ޢިބުރަތްތެރި ވާހަކަ: ”މިއަދު އަހަރެންނަށް އެންމެ އަޅާލާ އޯގާތެރިވި މީހަކީ ތިޔައީ“
މި ދުނިޔެއަކީ ވަގުތީ އާލަމެއްކަން ވިސްނެނީ ކިތައް މީހުންނަށްބާއޭ އަބަދުވެސް އަހަރެން ހިތައް އަރައެވެ. ދުނިޔޭގެ ލައްޒަތާ އަރާމް ހޯދަން ހޭބޯ ނާރާ އާޙިރަތް މަތިން ކުޑަވެސް ހަނދާނެއް ނެތި އުޅޭ އެތައް ބަޔަކު މިއަދު އިންސާނުންގެ ތެރޭގައި އެބައުޅެއެވެ. ﷲ سبحانه و تعالى ނަހީ ކުރައްވާފައިވާ އެތައް ފާފައަކަށް އަރައިގަންނަމުން އެކަކަށް ވުރެ އަނެކަކު ދުނިޔެއައިގެން ކުރިޔަށްދާން ގަދަ އަޅާ އެތައް މަސައްކަތެއްކުރެއެވެ. ނަމަވެސް އާޙިރުގައި ތިބާ ދާންޖެހޭނީ ހުސްއަތާކަން ނޭންގޭ އެއްވެސް މީހަކު ހަމަގައިމުވެސް ނުހުންނާނެއެވެ.
އަފްރާޙް މިއަދު ގުނަމުންދަނީ އޭނާގެ ހަޔާތުގެ އެންމެ ފަހުވަގުތުކޮޅެވެ. މި ފަނާވަނިވި ވަގުތީ ދުނިޔެއާ ވަކިވެގެންދާކަށް ދެން މާ ގިނައިރުތަކެއް ނެތެވެ. އަހަރެން އަފްރާހް އަތުގައި ހިފަހައްޓާލައިގެން ކައިރި އިށީންދެލައިގެން އިންދެ އޭނާއަށް ހެޔޮދުއާ ކޮއްދެމުން ގެންދިޔައީމެވެ. އަހަރެން އަފްރާޙް ގެ މައްޗަށް ހެޔޮދުއާ ކޮށްކޮށް ހުއްޓާ އަފްރާހްގެ ފުރާނަ އޭނާގެ ހަށިގަނޑާ ވަކިވެ މި ވަގުތީ ދުނިޔެއަށް އަލްވަދާއު ކިޔައިފިއެވެ. إِنَّا لِلّهِ وَإِنَّـا إِلَيْهِ رَاجِعون.
އަހަރެންނަށް ފެންކަޅިވެފައި އިނދެ އަފްރާހްގެ މޫނާ ދިމާއަށް ބަލަހައްޓައިގެން އިނދެވުނެވެ. އަފްރާޙް ދުނިޔޭގައި ވީއިރު އޢޭނާގެ އެކިއެކި ހަރަކާތްތަށް ހިތަށް އާދެއެވެ. ބުނެފައިހުރި އެކިއެކި ބަސްތަށް ހަނދާނަށް އާދެއެވެ. އެހެން ގަބުވެފައި އިރުކޮޅަކު ހުރެވުނެވެ. ގޭ މީހުން އަފްރާޙްގެ ކަށުކަމާކެމީގެ ކަންތައް ކުރިޔަށް ގެންދިއުމުގެ މަސައްކަތް އަވަދިނެތޔި ކުރިޔަށް ގެންދާތަން ފެނެއެވެ. އަހަރެން ގަބުކަން ފިލައި ހަމަ ވިސްނުމަށް އައިއިރު، އަފްރާޙް ގެ ޖަނާޒާކަންތަށް ނިމިއްޖެއެވެ. ހޭވެރިކަން ވުމަށްފަހު އަހަރެން އަފްރާޙްގެ މައިން ބަފައިންނާ ބައްދަލު ކުރަންއެގެއަށް ދިޔައީމެވެ. އަފްރާޙްގެ ގެއަށް އަހަރެން ވަނުމާއެކު އޭނާގެ މަންމަ އައިސް އަހަރެން ގައިގާ ބައްދާ އޮޅުލާ ރޯންފެށިއެވެ. އަހަރެން ގެ ހިއްވަރުން މަންމަ އަށް ވިސްނަދީ މަންމަގެ ރުއިން ހުއްޓުވާ މަންމަ ހަމައަކަށް އެޅުވުމަށްފަހު ބައްޕަ ކޮބައިތޯ ބަލާލަން ދިޔައީމެވެ. އަހަރެން ދިޔައިރު ބައްޕަ އިނީ އަފްރާޙްގެ ކޮޓަރީ އޭނާ ނިދާ އެނދުގައި އިށީންދެލައިގެން ފިކުރުކުރާށެވެ. އަހަރެން ފެނުމުން ފެންކަޅިވެފައި އެތެރެއަށްވަދެ އިށީންނަން ބުންޏެވެ. އޭރު ބައްޕަގެ އަތުގައި ރަތް ބޭރުގަނޑެއް ލާފައި އޮތް ފޮތެއް އޮތެވެ. އެ ފޮތް އަހަރެން އިށީނުމާއެކު ބައްޕަ އަހަރެންގެ އަތަށް ދިއްކޮއްލަމުން ބައްޕަބުންޏެވެ. ” އަން ދަރިފުޅާ، މި ފޮތުގައި ހިފާ.މި އީ އަފްރާޙް މިދުނިޔެއާ ވަކިވެއްޖެނަމަ ދަރިފުޅާއި ހަވާލުކުރުމަށް ވަސިއްޔަތް ކޮށްފައިވާ ފޮތެއް. އެއީ މިއަދު އޭނާގެ މައިންބަފައިންނަށްފަހު އޭނާ އެންމެ އިތުބާރު ކުރާ މީހަކީ ތިޔަފަރާތް ކަމުގައި ވާތީވެ. އަހަރެން ތި ފޮތެއް ނުބަލަން ތީގައިވާ ސިއްރަކީ ތި ދެމީހުންގެ އެއްޗެއް. ” މިހެން ބުނެފައި ބައްޕަ ކޮޓަރިން ނުކުމެގެން ދިޔައެވެ. ބައްޕަ ދިޔުމުން ފޮތް ހުޅުވާލީމެވެ. އޭގައި ލިޔެފައި ވަނީ އެންމެ ސަފްހާއެކެވެ. ބާކީ ހުސް ގަނޑުތަކެވެ. ލިޔެފައިވާ ސަފްހާގައި ވަނީ އަހަރެންގެ ނަން ލިޔެފައެވެ.
” ލޯބިވާ ޝާހީނާ. މިފޮތް ޝާހީނާގެ އަތަށް ލިބޭއިރު އަހަރެން ވާނީ މި ފަނާކުރަނިވި ދުނިޔެއަށް އަލްވަދާއު ކިޔާފައެވެ. މިއަދު އަހަރެންނަށް އެންމެ އަޅާލާ އޯގާތެރިވި މީހަކީ ތިޔައީއެވެ. އަހަރެންނާ ޝާހީނާ ދިމާވީ އަހަރެންގެ އެންމެ ގޯސް އުޅުން އުޅެމުން އައި ދުވަސްވަރުއެވެ. އެއިރު އަހަރެންނަކީ ﷲ سبحانه و تعالى ނަހީ ކުރައްވާ ހަރާމްކުރެއްވި އެތައް ފާފައެއްގެ ޝިކާރައަކަށް ވެފައިވާ މުޑުދާރު މީހަކީމެވެ. އަހަރެންނަށް ޝާހީނާ ފެނުން ފުރުތަމަ ދުވަހު ވެސް އެތަކެއް ޖެއްސުމަކާއި ފުރައްސާރައެއް ކުރެވުނެވެ. އެ ހުރިހާކަމަކަށް އަހަރެން ޗާހީނާގެ ކިބައިން މައާފަށް އެދެމެވެ. އަހަރެން ޖެއްސުންކޮށް ފުރައްސާރަކުރިއިރު ޝާހީނާގެ ކިބައިން އަހަރެެންނަށް ފާހަގަ ކުރެވުނީ އެންމެ ކަމެކެވެ. ޝާހީނާގެ ކެތްތެރިކަމާއި އީމާންތެރިކަން ވަރުގަދަ ކަމެވެ. އަހަރެން ކަހަލަ ވިޔާނުދާ ނުލަފާ އުޅުމެއް އުޅެމުން އައި މީހަކަށް ތެދުމަގުޔ ދެއްކުމުގެ މެދުވެރިޔަކީ ތި ޝާހީނާއެވެ. އަހަރެން ނަށް ރިވެތި އުސޫލުތައް ދަސްކޮއްދީ ދީންވެރި ކިޔަމަންތެރި ފިރިޔަކަށް ހެދީވެސް ޝާހީނާއެވެ. މިކަމަށް އަހަރެން ހިތުގެ އަޑިން ޝުކުރު ދަންނަވަމެވެ.
އެހެން ނަމަވެސް އަހަރެން ޝާހީނާއާ ކައިވެނި ކުރިއިރު އަހަރެންނަށް މި ވަގުތީ ދުނިޔޭގައި އުޅުމަށް ލިބިފައިވަނީ މަދު ވަގުތު ކޮޅެކެވެ. އަހަރެންގެ ކެންސަރުބަލީގެ ސަބަބުންނެވެ. ކެންސަރުބަލިކަން އެނގުނުއިރުވެސް ހުރީ އެންމެ ފަހު ސްޓޭޖްގައި ކަމަށްވާތީއެވެ. އަހަރެން އެކަން އެނގުމުން އަހަރެންގެ ހުރިހާ އަގުބޮޑެތި ސާމާނު ވިއްކައި އެފައިސާތައް އެތައް ނިކަމެތިންނަށް ހަދިޔާކުރީމެވެ. އަދި ބާކީ ހުރި އެއްޗިއްސަކީ އެއީ ޝާހީނާއަށް އަހަރެން ހަދިޔާކުރި އެއްޗިއްސެވެ. ފޮތުގައި ލިޔެފައި ހުރި ހުރިހާ ލިޔުމެއް ކިޔާނިމުނީއެވެ. ދެން އަހަރެން އެފޮތް މަޑުމަޑުން ލައްޕާލީމެވެ. އެވަގުތު ފޮތުގެ ތެރެއިން އެއްޗެއް ވެއްޓުނެވެ. އަހަރެން އެ ނަގާ ބަލައިލިއިރު އެއީ ފަސްލައްކަ ރުފިޔާގެ ޗެކެކެވެ. އަހަރެންގެ ނަންމަތީ ލިޔެފައިވާ ޗެކެކެވެ. އަހަރެން ބެންކަށް ގޮސް އެ ހުރިހާފައިސާއެއް ނެގީމެވެ. އަދި އަހަރެންގެ ފިރިމީހާ އަފްރާޙްގެ ނަމުގައި ސަދަގާތް ކުރީމެވެ. ސަބަބަކީ އަހަރެންނަށް މުހިންމީ މި ފަނާކުރަނިވި ވަގުތީ ދުނިޔެއެއްނޫނެވެ. އަހަރެންގެ ލޯބިވާ ފިރިމީހާއަށް ކައްވަޅުގައި ހެޔޮޖަޒާ މިންވަރުކޮށްދެއްވުމެވެ.
މިލިޔުން ކިޔާލުމުން
