ޚަބަރު ފީތާ

ވިޒިޓް މޯލްޑިވްސްއިން ޕޮލެންޑަށް އަމާޒުކޮށްގެން ރާއްޖެ އިޝްތިހާރު ކުރަނީ

ވިޒިޓް މޯލްޑިވްސްއިން ޕޮލެންޑަށް އަމާޒުކޮށްގެން ރާއްޖެ އިޝްތިހާރު ކުރުމުގެ މަސައްކަތް ފަށައިފި އެވެ.

މި ކެމްޕެއިންގެ ބޭނުމަކީ ރާއްޖޭގެ ރީތި ނަން ދަމަހައްޓާ ފަތުރުވެރިން ދަތުރުކުރަން އެންމެ ރައްކާތެރި އެއްމަންޒިލުގެ ގޮތުގައި ޕޯލޭންޑްގައި ރާއްޖެ އިޝްތިހާރުކުރުމެވެ.

ޕޮލޭންޑްގެ އެންމެ މަގުބޫލު އެއް ޓުއަރ އޮޕަރޭޓަރ ކަމުގައިވާ އިޓާކާ އާއިއެކު ޖޮއިންޓް ކެމްޕެއިނެއްގެ ގޮތުގައި ފަށާފައިވާ މި ކެމްޕެއިންގައި އިޝްތިހާރުތަކާއި ޑިޖިޓަލް ހަރަކާތްތައް ކުރިއަށްގެންދިއުމަށް ވަނީ ނިންމާފަ އެވެ. އަދި އައުޓްޑޯ އިޝްތިހާރުކުރުމުގެ ހަރަކާތްތައް ވެސް ކުރިއަށްދާނެއެވެ.

ޕޮލޭންޑުން ރާއްޖެއަށް އިޓާކާގެ ފަރާތުން ޗާޓަރ ފްލައިޓްތައް ފެށުމާއި ގުޅުވައިގެންނާއެކު ކުރިއަށް ގެންދާ މި ކެމްޕެއިނުގައި އިޝްތިހާރުކުރެވޭ ކޮންޓެންޓް ލަފާ ކުރެވޭގޮތުގައި 25 މިލިޔަނެއްހާ މީހުނަށް ފޯރާނެ ކަމަށް ވެސް ވިޒިޓް މޯލްޑިވްސް އިން ބުނެފައި ވެއެވެ.

ވިޒިޓް މޯލްޑިވްސްއިން ބުނީ މިފަދަ ކެމްޕެއިންތަކަކީ ރާއްޖޭގެ ފަތުރުވެރިކަން ޕްރޮމޯޓްކޮށް ފެށޭ ޗާޓަރ ފްލައިޓްތައް ހުއްޓުމެއްނެތި ކުރިއަށް ގެންދިއުމަށް އެޅޭ ވަރަށް މުހިންމު ފިޔަވަޅެއްކަމަށެވެ.

އިޓާކާ އަކީ 30 އަހަރުގެ ތަޖުރިބާއާއެކު ޕޮލޭންޑް ގެ އެންމެ މަގުބޫލު އަދި މަޝްހޫރު އެއް ޓުއަރ އޮޕަރޭޓަރެވެ. 2018 ވަނަ އަހަރުގައި އިޓާކާއިން 915,00 ކްލައިންޓުންނަށް 100 އަށްވުރެން ގިނަ މަންޒިލްތަކަށް ޚިދުމަތް ފޯރުކޮށްދީފައިވެއެވެ.

Like
Like Love Haha Wow Sad Angry

މިލިޔުމަށް ޚިޔާލު ފޮނުވާ "ވިޒިޓް މޯލްޑިވްސްއިން ޕޮލެންޑަށް އަމާޒުކޮށްގެން ރާއްޖެ އިޝްތިހާރު ކުރަނީ"

ޚިޔާލު ފާޅުކުރައްވާ

އީމެއިލް އެޑްރެސް ހާމަ ނުކުރާނެ.