ތަފާތުބޮޑު ނަތީޖާއަކުން ބައިޕާސް ބަލިކޮށް ޗެލެންޖަރސް ސެމީއަށް

ކ. ގުރައިދޫގައި މިހާރު ކުރިއަށްދާ ތުއްތޮންބެ ކަޕް ފުޓްބޯޅަ މުބާރާތުގެ މިއަދުގެ މެޗު ތަފާތުބޮޑު ނަތީޖާއަކުން ބައިޕާސް ބަލިކޮށް ޗެލެންޖަރސް ސެމީގެ ޖާގަ ޔަގީން ކޮށްފިއެވެ.
ގުރައިދޫ ފުޓްބޯޅަ ދަނޑުގައި މިއަދު ކުޅުނު މެޗު ޗެލެންޖަރސް އިން ކާމިޔާބުކުރީ 6-0 ލަނޑުންނެވެ.
މިމެޗުގައި ޗެލެންޖަރސްއަށް ލަނޑުތައް ޖަހައިދިނީ ޖާރޒީ ނަމްބަރ 11 އަދި 6 ކޮންމެ ކުޅުންތެރިއަކު 2 ލަނޑު އަދި ޖާރޒީ ނަމްބަރ 25 އަދި 5 ކޮންމެ ކުޅުންތެރިއަކު އެއްލަނޑެވެ.
މިއަދުގެ މެޗުގެ މޭން އޮފް ދަ މެޗުގެ މަޤާމަށް ހޮވިފައިވަނީ ޗެލެންޖަރސް ޓީމުގެ މެދުތެރެއިން މޮޅުކުޅުމެއް ދައްކަމުން އަންނަ އަދި މިއަދުގެ މެޗުގައި 2 ލަނޑު ޖަހައިދިން ޓީމުގެ ކެޕްޓަން ޖާރޒީ ނަމްބަރ 6 ނަބީލެވެ.
މާދަމާގެ މެޗުގައި ބައްދަލުކުރާނީ އެޗްޕީއެސްއެން އާއި އޯލް އެޓޭކް ޓީމެވެ.

އިޝްތިހާރު