”ހޭވައްލާ – ސާފުކުރަމާ“ ގެ ނަމުގައި މީރާއިން މާލެ ސާފުކުރުމުގެ ހަރަކާތެއް މާދަމާ ބާއްވަނީ..

މީރާއިން އިސްނަގައިގެން މާލެ ސާފުކުރުމުގެ ބޮޑު ހަރަކާތެއް މާދަމާ ބޭއްވުމުގެ ތައްޔާރީތައް ވަމުން އެބަދެއެވެ.

”ހޭވައްލާ–ސާފުކުރަމާ“ ގެ ނަމުގައި ހިންގާ މި ހަރަކާތުގައި ވޭސްޓް މެނޭޖްމަންޓް ކޯޕަރޭޝަން (ވެމްކޯ) އާއި މިނިވަން މުއައްސަސާ ތަކާއި ސަރުކާރު ހިއްސާވާ ކުންފުނިތަކާއި ސްކޫލުތަކާއި ކޮލެޖުތަކުން ޖުމްލަ 1،000 އަށް ވުރެ ގިނަ މުވައްޒަފުންނާއި ކުދިން ބައިވެރިވުމަށް ވަނީ ހަމަޖެހިފައެވެ.

އިޝްތިހާރު

މިއ ޢާއންމު ތަންތަނަށް ކުނި އެޅުމުގެ އާދަ ހުއްޓުވުމުގައި ފަރުދީ ޒިންމާއެއް އޮތްކަން ހަނދާން ކޮށްދީ، އެންމެން ދިރިއުޅޭ ވެއްޓަކީ ސާފު ތަނެއްގެ ގޮތުގައި ބޭއްވުމަށްޓަކައި ކޮންމެ މީހަކަށްވެސް ކުރެވެންހުރި ކަންތައްތަކަށް ހޭލުންތެރިކުރުވުމުގެ މަޤުޞަދުގައި ބާއްވާ ހަރަކާތެކެވެ.

މީރާ އިން ކޮންމެ އަހަރަކުވެސް ހިންގަމުންދާ އިޖުތިމާޢީ ޒިންމާގެ ހަރަކާތްތަކުގެ ތެރެއިން 2017 ވަނަ އަހަރުގެ ފުރަތަމަ ހަރަކާތަށް މިކަން ވާއިރު، މީރާއަކީ ދައުލަތުގެ މިނިވަން މުވައްސަސާތައް ގުޅިގެން އިޖުތިމާޢީ ޒިންމާ ގެ ހަރަކާތްތައް ހިންގުމަށްޓަކައި އުފައްދާފައިވާ ”އާރޯ“ ގެ މިއަހަރުގެ ”ޗެއަރ“ އެވެ.