އދ. ގެ ޗެމްޕިއަންކަން މަހިބަދޫ އިން ހޯދައިފި.
މަންދޫގެ މައްޗަށް ކުރިހޯދާ ހޯދައި އެސްޓީއޯ މިނިވަން ޗެމްޕިއަންޝިޕްގެ އދ. އަތޮޅުގެ ޗެމްޕިއަންކަން މަހިބަދޫއިން ހޯދައިފިއެވެ.
މަހިބަދޫއިން މަންދޫގެ މައްޗަށް ކުރިހޯދީ 1-4 ގެ ތަފާތު ބޮޑު ނަތީޖާއިންނެވެ.
ފޯރިގަދަ ކުޅުމެއް ފެނިގެންދިޔަ މި މެޗުގައި މަހިބަދޫއިން ޖެހި ފުރަތަމަ ލަނޑު ޖަހާފައިވަނީ މެޗުގެ 18 ވަނަ މިނެޓުގައި އަލީ ޝާލިމްއެވެ. މަހިބަދޫގެ ދެ ވަނަ ލަނޑު ޖަހާ ލީޑު ފުޅާކުރީ މެޗުގެ 28 ވަނަ މިނެޓްގައި މުހައްމަދު ޝާރިހްއެވެ.
ފުރަތަމަ ހާފު ނިމިގެން ދިޔައީ 2 ލަނޑުގެ ލީޑެއްގައި މަހިބަދޫ އޮވެގެންނެވެ.
ފަހުހާފަށް ކުޅެންނިކުމެ މަހިބަދޫއިން ޖެހި ތިން ވަނަ ލަނޑު 47 ވަނަ މިނެޓްގައި ކާމިޔާބު ކުރީ އަހްމަދު ރިފްއަތުއެވެ. މަހިބަދޫގެ ހަތަރު ވަނަ ލަނޑު ޖެހީ މުހައްމަދު ޖުނައިދުއެވެ.
މަންދޫއިން ޖެހި ހަމަ އެކަނި ލަނޑު ޖަހައިދިނީ ހަސަން އިރުޝާދުއެވެ.
މި މެޗުން މޮޅުވުމުން މަހިބަދޫ މިހާރު ވަނީ ޒޯން ބުރަށް ކޮލިފައިވެފައެވެ.