އަންނަ އަހަރުގެ ފެބްރުއަރީގެ ކުރިން، މިފްކޯ ތެރޭގައި ހުރި މައްސަލަތައް ޙައްލުކުރާނަން..
އަންނަ އަހަރުގެ ފެބްރުއަރީގެ ކުރިން، މިފްކޯ ތެރޭގައި ހުރި މައްސަލަތައް ސަރުކާރާއި އެސްޓީއޯއާ ގުޅިގެން ޙައްލު ކުރާނެ ކަމުގެ ޔަޤީންކަން މިފްކޯގެ މެނޭޖިންގ ޑިރެކްޓަރ ޢަދުލީ އިސްމާޢީލް ދެއްވާފައިވާ ކަމަށް ފިޝަރީޒް މިނިސްޓަރ ޑރ. މުޙައްމަދު ޝައިނީ ވިދާޅުވެއްޖެއެވެ.
މަސްވެރިކަމުގެ ދުވަހުގެ މުނާސަބާގައި ގއ. ގެނަމަފުށީގައި ބޭއްވި ޖަލްސާގައި ވާހަކަ ދައްކަވަމުން މިނިސްޓަރ ވިދާޅުވީ އެމައްސަލަތައް ޙައްލު ކުރުމަށް މަސްވެރިންނާ މަޝްވަރާކޮށްގެން މަސައްކަތްކުރާނެ ކަމަށެވެ.
މީގެ އިތުރުން ޑރ. ޝައިނީ ވިދާޅުވީ މަސްވެރިންނަށް ދަރާފައިވާ ދަރަނިތައް މިފްކޯ އިން އަދާކޮށް ނިންމާފައިވާ ކަމުގެ ޔަޤީންކަންވެސް ޢަދުލީ ދެއްވާފައިވާ ކަމަށެވެ.