ކްރިސްޓިއާނޯ ރޮނާލްޑޯގެ ޖެޓް ޖައްސަން އުޅެނިކޮށް ވެއްޓިއްޖެ
ރެއާލް މެޑްރިޑާއި ޕޯޗުގަލް ތަރި ކްރިސްޓިއާނޯ ރޮނާލްޑޯގެ ޖެޓް ސްޕެއިންގެ ބާސެލޯނާ އެއާޕޯޓުގައި ޖައްސަން އުޅުމުގެ ތެރޭގައި ވެއްޓިއްޖެއެވެ.
ޔޫރަޕްގެ އެންމެ މޮޅުކުޅުންތެރިޔާ ކްރިސްޓިއާނޯ ރޮނާލްޑޯގެ G200 ޖެޓް އެލް ޕްރާޓް އެއާޕޯޓުގައި ޖައްސަން އުޅެނިކޮށް ވެއްޓުނު އިރު އެ ޖެޓްގައި ގައި ރޮނާލްޑޯ ދަތުރުކޮށްފައެއް ނުވެއެވެ.
15 މިލިއަން ޕައުންޑް ގެ އަގުހުރި މި ޖެޓް ގައި ދަތުރު ކޮށްފައިވަނީ ރޮނާލްޑޯގެ ގާތް ބައެއްކަމުގައި ރިޕޯޓްތަށް ބުނެއެވެ.
ޖެޓް ޖައްސަން އުޅުމުގެ ތެރޭގައި ލޭއްޑިން ގިއަރު ހަލާކުވެ ކްރެޝް ވިއިރު އެ ޖެޓް ދުއްވި ޕައިލެޓަށް ކުދި އަނިޔާތަކެއް ވަނީ ލިބިފައެވެ. އެހެން ނަމަވެސް އިތުރު މީހަކަށް ބޮޑު އަނިޔާއެއް ވެފައެއް ނުވެއެވެ.
މެއިލް އޮންލައިން ނޫހަށް އިންޓަވިއުދިން ދިން ރޮނާލްޑޯގެ އެކުވެރިއަކު ބުނީ އެ ޖެޓުގައި ރޮނާލްޑޯގެ އިތުރުން އޭނާގެ އާއިލާގެ އެއްވެސް މީހަކު ދަތުރުކޮށްފައިނުވާކަމަށެވެ. އަދިރޮނާލްޑޯގެ މި ޖެޓަކީ ޕްރައިވެޓް ކުންފުނިތަކުން އާންމުކޮށް ކުއްޔަށް ހިފާ ޖެޓެއް ކަމަށްވެސް އޭނާ ބުންޏެވެ.
މިކަމާ ގުޅިގެން ރޮނާލްޑޮ އަދި އެއްވެސް އެއްޗެކޭ ބުނެފަނުވާކަމަށް ޚަބަރުތަށް ބުނެއެވެ. ގަލްފްސްޓްރީމް ޖީ200 ގެ އެ ޖެޓަކީ ނިމިގެންދިޔަ އަހަރުގެ މެޗުތެރޭގައި ރޮނާލްޑޯ ގަނެފައިވާޖެޓެކެވެ.