އީގަލްސް އަނެއްކާވެސް ތާވަލްގެ ދެވަނަ އަށް…
އުރީދޫ ދިވެހި ޕްރިމިއާ ލީގުގައި ނިއުރޭޑިއަންޓް ސްޕޯޓްސް ކުލަބުގެ މައްޗަށް ކުރިހޯދާ ލީގް ތާވަލުގެ ދެ ވަަނަ އަށް އީގަލްސް ޖެހިލައިފިއެވެ.
އީގަލްސް ނިއުރޭޑިއެންޓްގެ މައްޗަށް ކުރިހޯދާފައިވަނީ 0-1 ގެ ނަތީޖާއިން ނެވެ.
ފޯރިގަދަ އަވަސް ކުޅުމެއް ކުޅުމެއް ފެނިގެންދިޔަ މި މެޗުގައި ދެޓީމުގެ ފަރާތުންވެސް ދާދި ހަމަހަމަ ކުޅުމެއް ފެނިގެންޔައިރު މެޗުގެ ފުރަތަމަ ހާފުގެ ކުޅުންނިމުނުއިރު ދެޓީމުންކުރެ އެއްވެސްޓީމަކަށް ލަނޑެއް ކާމިޔާބުކުރެވިފައެއްނުވެއެވެ.
އެއްވަރެއްގައި އޮވެ ފުރަތަމަ ހާފުނިމުނުއިރު ފަހުހާފަށް ކުޅެންނިކުމެ މެޗުގެ 63 ވަނަ މިނެޓުގައި އީގަލްސްއިން ވަނީ ލަނޑެއް ކާމިޔާބުކޮށް މެޗުގެ ލީޑުނަގާފައެވެ. މި ލަނޑު އެޓީމަށް ކާމިޔާބު ކޮށްދިނީ އެޓީމުގެ ބިދޭސީ ކުޅުންތެރިޔާ ރިސްޓޭއެވެ.
އީގަލްސް އަށް، ކުރިން ދެ ވަނަ މަގާމު ގެއްލުނީ އެންމެ ފަހުން ވިކްޓްރީއާ ދެކޮޅަށް ކުޅުނު މެޗުން ބަލިވެ، ތިން ވަނައިގައި އޮތް ޓީސީ ކުޅުނު މެޗުން މޮޅުވުމުންނެވެ. މެޗުން ނިއު މޮޅުވި ނަމަ އެޓީމަށް ގަދަ ހަތަރެއްގެ ޖާގަ ލިބިގެންދާނެ އެވެ.