ނޭމާގެ ޓްރާންސްފާ މައްސަލަ އަލުން ބަލަން ސްޕެއިންގެ ކޯޓުން އަމުރުނެރެފި
ބާސެލޯނާގެ ބްރެޒިލް ފޯވާޑް ނޭމާ އެކުލަބަށް ބަދަލުވީ ޓެކުހަށް މަކަރު ހަދައިގެން ކަމަށް ބުނެ އެމައްސަލަ އަލުން ބެލުމަށް ސްޕެއިންގެ ހައި ކޯޓުން އަންގައިފިއެވެ.
ނޭމާގެ މައްސަލަ ސްޕެއިންގެ ކޯޓުން އަލުން ބަލަން އަންގާފައިވާއިރު އޭނާ ވަނީ އެ ބާސާއާ އެކު ހަދާފައިވާ އެއްބަސްވުން ވެސް ދާދި ފަހުން އާކޮށްފަ އެވެ. ބާސެލޯއާއެކު ނޭމާ މިހާރު ހަދާފައިވާ އެއްބަސްވުގެ މުއްދަތު ހަމަވާނީ 2018 ވަނަ އަހަރުއެވެ.
ބާސާ އިން ނޭމާ ގަތުމަށްޓަކައި އޭނާގެ ކުރީގެ ކުލަބު ސަންޓޯސް އަށް 17.1 މިލިއަން ޔޫރޯ އާއެކު 40 މިލިއަން ޔޫރޯ ދީފައިވާކަމަށް މީޑިއާ ރިޕޯޓުތަށް ވަނީ ބުނެފައެވެ. ކުލަބުގެ ވެރިޔާ ޖޯސެޕް މަރިއާ ބުނާ ގޮތުގައި ނޭމާ ގަތުމަށް ޓަކައި އެ ކްލަބުން ހޭދަ ކޮށްފައި ވަނީ 86 މިލިއަން ޔޫރޯ އެވެ.
މީޑިއާ ރިޕޯޓްތައް ބުނާގޮތުން މިމައްސަލައިގައި ނޭމާގެ ބައްޕަ އާއި ސަންޓޯސް އަދި ބާސާ އަށް ވެސް ދައުވާ ކުރާނެ ކަމަށް މިހާރު ވަނީ ބެލެވިފައެވެ.
މިމައްސަލާގައި ނޭމާ އަދި އެޖެންޓެއްގެ ގޮތުގައި މަސައްކަތްކުރާ އޭނާގެ ބައްޕަ ވަނީ އެ ތުހުމަތުތައް ވަނީ ދޮގުކޮށްފައެވެ.
ބްރެޒިލްގެ ސަންޓޯސް އިން 2013 ވަނަ އަހަރު ބާސެލޯނާ އަށް ނޭމާ ބަދަލުވުމުގައި މަކަރު ހަދާފައިވާ ކަމަށް ބުނެ ސުޕެއިންގެ ކޯޓަކަށް މައްސަލަ ވައްދާފައި ވަނީ ބްރެޒިލްގެ ކުންފުންޏެއް ކަމަށްވާ ޑީއައިއެސް އިންނެވެ. ނަމަވެސް އޭރު އެ ކޯޓުން އެ މައްސަލަ ބޭރުކޮށްލާފަިއ ވަނީ މިދިޔަ ޖުލައި މަހުގެ ނުވަ ވަނަ ދުވަހު އެވެ.
މިލިޔުން ކިޔާލުމުން
