އިސްލާމިކް ފެއާރ މި އޮކްޓޯބަރ މަހު ބާއްވަނީ..
މިނިސްސްޓްރީ އޮފް އިސްލާމިކް އެފެއަރޒުން އިންތިޒާމު ކޮށްގެން ބާއްވާ އިސްލާމިކް ފެއާރ 2016 މި އޮކްޓޯބަރ މަހު ބާއްވާނެ ކަމަށް އެ މިނިސްޓްރީން ބުނެފިއެވެ.
އެ މިނިސްޓްރީން ބުނީ މި ފެއާރ އޮންނާނީ މި އޮކްޓޯބަރ މަހުގެ 29އިން 31އަށް އިސްލާމީ މަރުކަޒު މައިދާނުގައި ކަމަށެވެ.
މޯލްޑިވްސް ޙައްޖު ކޯޕަރޭޝަންގެ އެހީތެރިކަމާއެކު މި ފެއާރގެ މަޢުލޫއަކަށް ” އުޚުއްވަތްތެރިކަން – މުޖުތަމަޢުގެ ބަދަހިކަން ” ހަމަޖައްސާފައިވާ އިރު، މި ފެއާރ އޮންނާނީ އޮކްޓޯބަރ 29، 30 އަދި 31 ކޮންމެ ދުވަހެއްގެ 16:00 އިން 18:00 އަށް އަދި 20:00 އިން 22:00 އަށް ކަމަށްވެސް އިސްލާމިކް މިނިސްޓްރީން ބުންޏެވެ.
މި ފެއާރގައި ސްޓޭޖު ޙަރަކާތްތަކާއި ކިޑްސް ކޯނަރ އާއި ކައުންސެލިންނާއި ތަފާތު އެތައް ޙަރަކާތްތަކެއް ހިމެނޭނެ ކަމަށް އިސްލީމިކް މިނިސްޓްރީން ބުންޏެވެ.