އަމީނިއްޔާ ސްކޫލުގެ މިދިޔަ އަހަރު ހުރިހާ ގޮތަކުން އެންމެ މޮޅު ދަރިވަރަކަށް އާމިނަތު އިބާނާ ޝާހިދު..
މިދިޔަ އަހަރުގެ އިނާމު ދިނުމަށް އަމީނިއްޔާ ސްކޫލުގައި ރޭ ބޭއްވި ރަސްމިއްޔާތުގައި އޭނާއަށް އިނާމު ހަވާލުކޮށްދެއްވީ ހަފުލާގެ ޝަރަފުވެރިމެހެމާން ފެނަކަ ކޯޕަރޭޝަންގެ މެނޭޖިންގ ޑިރެކްޓަރު އަހުމަދު ޝަރީފެވެ.
އެ ސްކޫލުން މިދިޔަ އަހަރު ހުރިހާ ގޮތަކުން ދެވަނަ ހޯދީ އައިޝަތު ނާޒިޔާ ނިޔާޒަށެވެ. އޭނާ ވަނީ އޯ ލެވެލް އިން ޤައުމީ ގަދަ 10 އިން އެއްވަނަ ހޯދާފައެވެ.
އޭ ލެވެލްގެ ގަދަ 10ގެ އެއްވަނަ ހޯދައިގެން ރައީސުލްޖުމްހޫރިއްޔާ ދެއްވާ ސްކޮލަރޝިޕް ހޯދުމަށް އަމާޒު ހިފާފައިވާ އިބާނާ އެންމެ ބޭނުންވަނީ އެކައުންޓިންގ ގެ ދާއިރާއިން ކުރިއަށްދާށެވެ.
ފާއިތުވި އަހަރު އެ ސްކޫލުގެ ކެޕްޓަންކަންވެސް ކުރި އިބާނާ ވަނީ އޯލެވެލް އިމްތިހާނުގެ ހުރިހާ މާއްދާއަކުން އޭ ހޯދައިގެން ޤައުމީ ގަދަ 10ގެ އެއްވަނަ އަށްވެސް އަރާފައެވެ.