މައްކާގައި ބާއްވާ ޤުރްއާން މުބާރާތުގައި ބައިވެރިވާ 2 ދަރިވަރުންނާ އިސްލާމިކް މިނިސްޓަރ ބައްދަލު ކުރައްވައިފި
މައްކާގައި ބާއްވާ 38 ވަނަ ކިންގް ޢަބްދުލްޢަޒީޒް އިންޓަރނޭޝަނަލް ޤުރްއާން މުބާރާތުގައި ދިވެހިރާއްޖޭގެ ފަރާތުން ބައިވެރިވާ 2 ދަރިވަރުންނާ މިނިސްޓަރ އޮފް އިސްލާމިކް އެފެއަރޒް ޑރ. އަޙްމަދު ޒިޔާދު ބާޤިރު މައްކާގައި ބައްދަލުކުރައްވައިފިއެވެ.
38 ވަނަ ކިންގް ޢަބްދުލްޢަޒީޒް އިންޓަރނޭޝަނަލް ޤުރްއާން މުބާރާތުގައި ދިވެހިރާއްޖޭގެ ފަރާތުން ބައިވެރިވާ ދެ ދަރިވަރުންނަކީ ސިބްޣަތުﷲ އަޙްމަދާއި ނާދިޙް ޢަބްދުލްޙަމީދެވެ.
ވަޤުފްގެ ދާއިރާގައި ހުރި ފުރުޞަތުތަކާއި ގުޅޭ ގޮތުން މަޝްވަރާ ކުރުމަށް ސަޢުދީ ސަރުކާރުން އިންތިޒާމް ކޮށްގެން މައްކާގައި މިމަހުގެ 18 އިން 20 އަށް ބޭއްވި އެންޑޯވްމަންޓްސް އިސްލާމިކް ކޮންފަރެންސްގައި ބައިވެރިވުމަށް މިނިސްޓަރ ޑރ. ޒިޔާދު ކުރައްވަމުން ގެންދަވާ ދަތުރުފުޅުގައި މި ދެދަރިވަރުންނާއި ބައްދަލުކުރައްވާ މުބާރާތުގައި ރަނގަޅު ނަތީޖާއެއް ހޯދުމަށާއި ދިވެހިރާއްޖެއަށް ރީތި ނަން ހޯދައިދިނުމަށް މަސައްކަތް ކުރުމަށް ވަނީ ހިތްވަރު ދެއްވާފައެވެ.
މުބާރާތުގެ ކުރިން ބާއްވާ އިޚްތިބާރުން މި ދެދަރިވަރުންވެސް ފާސްވެފައިވާ އިރު، މިމުބާރާތުގައި ބައިވެރިވާ އެންމެ ހަގު ބައިވެރިއަކީ ސިބްޣަތުﷲ އެވެ. އަދި މިއީ ލޯފަން ދަރިވަރެކެވެ.
މިމުބާރާތަކީ ހިތުން ކިޔަވާ މުބާރާތެކެވެ. ސިބްޣަތުﷲ ބައިވެރިވަނީ ހިތުދަސް 15 ފޮތުންނެވެ. އަދި ނާދިޙް ބައިވެރިވަނީ މުޅި ޤުރްއާން ހިތުދަސް މުޤައްރަރުގެ ބައިގައެވެ.
މިނިސްޓަރ ޑރ. ޒިޔާދުގެ މި ދަތުރުފުޅު ނިންމަވައިލެއްވުމަށްފަހު ރާއްޖެ ވަޑައިގަތުމަށް ހަމަޖެހިފައިވަނީ މިއަދުގެ ވަގުތެއްގައެވެ.
މިލިޔުން ކިޔާލުމުން
