މޫސުން ގޯސްވުމުގެ ސަބަބުން އެމްޓީސީސީގެ ފެރީ ދަތުރުތަކަށް ބަދަލު ގެނެސްފި

މޫސުން ގޯސްވުމުގެ ސަބަބުން އެމްޓީސީސީގެ ފެރީ ދަތުރުތަކަށް ބަދަލު ގެނެސްފި އެވެ.

އެމްޓީސީސީން ބުނީ ރާއްޖޭގެ މޫސުމާއިބެހޭ ގައުމީ އިދާރާއިން ކުރިއަށް އޮތް 5 ދުވަހުގެ މޫސުން ގޯސްވާނެ ކަމަށް ލަފާކޮށްފައިވާތީ، އެ ކުންފުނީގެ ފެރީގެ ޚިދުމަތަށް ވެސް ބަދަލު އައުން އެކަށީގެންވާ ކަމަށެވެ.

އިޝްތިހާރު

އެހެންވެ، އެއްރަށުން އަނެއް ރަށަށް ދަތުރުކުރައްވާ ފަރާތްތަކުން ދުރާލާ އެކަމަށް ތައްޔާރުވުމަށް އެދޭ ކަމަށް ވެސް އެ ކުންފުނިން ބުނެއެވެ. އަދި އެ ކުންފުނީގެ ފެރީގެ ޚިދުމަތްތަކަށް އަންނަބަދަލުތައް ރަށްރަށުގެ ކައުންސިލު އިދާރާ މެދުވެރިކޮށް ސާފުކުރުމަށް ވެސް އެމްޓީސީސީން ވަނީ އެދިފަ އެވެ.

މީގެ އިތުރުން ރާއްޖޭގެ ބޮޑުބަޔަކަށް ވިއްސާރަކޮށް، ކަނޑުގަދަވެ، ކޮޅިގަނޑުގައި55 މޭލަށް ވައި ގަދަވާނެ ކަމަށް މެޓް އޮފީހުން ލަފާކޮށްފައިވާތީ، ކަނޑުދަތުރުކުރާ ފަރާތްތަކުން މޫސުމަށް ސަމާލުވުމަށް ވެސް އެމްޓީސީސީން ވަނީ އިލްތިމާސް ކޮށްފައެވެ.