
ޓްރެވް ޙައްޖު އެންޑް ޢުމްރާގެ ފަރާތުން 27 ސުވާލަކަށް ޖަވާބު ދީގެން ޢުމްރާ ދަތުރެއް ހިލޭ ހޯދުމުގެ ފުރުޞަތު
ޓްރެވް ޙައްޖު އެންޑް ޢުމްރާގެ ފަރާތުން ރަމަޟާން މަހަށް ޚާއްޞަ ކޮށްގެން 27 ސުވާލަކަށް ޖަވާބު ދީގެން ޢުމްރާ ދަތުރެއް މުޅިން ހިލޭ ލިބޭގެ ފުރުޞަތު ހުޅުވާލައިފިއެވެ.
މިކަން ކުރުމުަށް ހަމަޖެހިފައިވަނީ އެޓޮލް ނިއުސް މެދުވެރިކޮށް އެކި ދުވަހު އެކި ސުވާލު ކޮށްގެނެވެ.
މި ސުވާލުތަށް ރޭޑިއޯ އެޓޮލް އާއި އެޓޯލް ނިއުސް އިން ގެނެސްދިނުމަށް ހަމަޖެހިފައިވާއިރު ޖަވާބު ދިނުމަށް ހަމަޖެހިފައިވަނީ ގޫގަލް ފޯމެއް މެދުވެރިކޮށެވެ.
ޓްރެވް ޙައްޖު އެންޑް ޢުމްރާގެ މާކެޓިންގ މެނޭޖަރ އިބްރާހީމް ރަމީޒް ވިދާޅުވީ މިއީ އެ ގްރޫޕުން އަލަށް ކުރާ ކަމެއް ނޫން ކަމަށާއި އަބަދުވެސް ކޮންމެވެސް އެއް ފަރާތަކަށް ނުވަތަ ދެމަފިރި އަކަށް ޓްރެވް ގެ ފަރާތުން ހިލޭ ޢުމްރާ ދަތުރެއް ދެމުން އަންނަ ކަމަށެވެ.
”އެކި ފަހަރު އެކި ގޮތަށް. ބައެއް ފަހަރު ސޯސަލްމީޑިއާގައި ހިންގާ އެކި އެކި ޕްރޮމޯޝަންތަކުންވެސް މިކަން ކުރެވޭޭ. ބޭނުމަކީ ކޮންމެ ފަހަރަކުވެސް ކޮންމެވެސް ބޭފުޅާކަށް ގްރޫޕްގެ ފަރާތުން ހިލޭ ދަތުރެއް ދިނުން. އެހެންވެ މީހުން ހޮވުމުގައި އެކި ފަހަރު އެކި ގޮތް ބަލަނީ“ އިބްރާހީމް ރަމީޒް ވިދާޅުވިއެވެ.
އެޓޯލް ނިއުސް އިން ކުރި ސުވާލަކަށް ޖަވާބު ދެއްވަމުން އިބްރާހީމް ރަމީޒް ވިދާޅުވީ ކުރިއަށް އޮތްތާނގައި އެކި އެކި މުއައްސަސާތަކަށްވެސް މި ފުރުޞަތު ދޭނެކަމާއި ޖަމްޢިއްޔާ ޖަމާތްތަކަށްވެސް މި ފުރުސަތު ދިނުމަށް ހަމަޖެހިފައިވާ ކަމަށެވެ.
މި ފަހަރުގެ މެއިން ޕާޓްނަރއަކީ އެޓޯލް ނިއުސް އެވެ.
މިއަދުގެ ފުރަތަމަ ސުވާލު މިހާރުވަނީ އަޕްލޯޑު ކޮށްފައެވެ. ސުވާލަށް ޖަވާބު ދެއްވުމަށް ތިރީގައިވާ ލިޔުންކޮޅަށް ފިތާލައްވާ
ޓްރެވް ޙައްޖު އެންޑް ޢުމްރާގެ 27 ސުވާލު 001



