ކުށުސަޖިދައިގެ ޙުކުމްތައް

ކުށުސަޖިދައަކީ: ނަމާދުގެ ތެރޭގައި ހަނދުމަނެތި ކުރެވޭ އުނިކަންތަކުން ސަލާމަތްވުމަށްޓަކައި ނަމާދުކުރާމީހާ ކުރާ ދެސަޖިދައެވެ.

އިތުރުވުން

އިޝްތިހާރު

• ނަމާދަށް ހުއްޓާ ހަނދާންނެތި ޤިޔާމެއް، އިށީނުމެއް، އަދި ރުކޫޢެއް ނުވަތަ ސުޖޫދެއް އިތުރުވުން
• ނަމާދު ފުރިހަމަވުމުގެ ކުރިން ހަންދާންވެފައިނުވާނަމަ، ސަލާމްދިނުމަށްފަހު ކުށުސަޖިދަޖެހުން މެނުވީ ނުވެއެވެ.
• އިތުރުވެއްޖެކަން ހަނދާންވީ ނަމާދުގެތެރެއިން ކަމުގައިވާނަމަ އަވަހަށް ރުޖޫޢަވެ، ސަލާމްދިނުމަށްފަހު ކުށުސަޖިދަޖަހަންވާނެއެވެ.
• ނަމާދު ފުރިހަމަވުމުގެކުރިން ހަނދުމަނެތި ސަލާމްދެވުން
• ގިނައިރުތަކެއްވުމުގެ ކުރިން ހަނދާންވެފައިނުވާނަމަ އަލުން ނަމާދުކުރުން
• ސަލާމްދިނުމަށްފަހު ކުޑަވަގުތުކޮޅެއްގެ ތެރޭގައި ހަނދާންވެފައިވާނަމަ ނަމާދުފުރިހަމަކޮށް ސަލާމްދިނުމަށްފަހު ކުށުސަޖިދަޖެހުން

އުނިވުން

• ރުކުނެއް އުނިވުން
• ހަށަންބަން ތަކްބީރުކަމުގައިވާނަމަ ނަމާދު ޞައްޙައެއް ނުވާނެއެވެ.

ހަށަންބަން ތަކްބީރުކަމުގައި ނުވާނަމަ:

• ފުރަތަމަ ރަކްޢަތުން އުނިވި ރުކުނާއި ހަމައަށް ދެވަނަ ރަކްޢަތުގައި ވާޞިލުވެއްޖެނަމަ، ރުކުން އުނިވި ރަކްޢަތް ބަލައިނުގަނެވޭނެއެވެ. ދެން އެއަށްފަހު ފުރިހަމަކޮށް ސަލާމްދިނުމަށްފަހު ކުށުސަޖިދަ ޖަހާނީއެވެ.
• ފުރަތަމަ ރަކްޢަތުން އުނިވި ރުކުނާއި ހަމައަށް ދެވަނަ ރަކްޢަތުން ވާޞިލުނުވެވޭނަމަ، އުނިވި ރުކުނަށް ރުޖޫޢަވެ އެރުކުން އަދާކުރުމަށްފަހު ނަމާދު ފުރިހަމަކޮށް ސަލާމްދިނުމަށްފަހު ކުށުސަޖިދަޖެހާނީއެވެ.
• ނަމާދުގެ ވާޖިބެއް އުނިވުން
• ނަމާދުކުރާ މީހާ ހަނދާންނެތުމުގެ ސަބަބުން ނަމާދުގެ ވާޖިބެއް ދޫކުރެވިއްޖެނަމަ
• އޭނާ އެމަޙައްލެއްގައި ވަނިކޮށް ހަނދާންވެއްޖެނަމަ އެވާޖިބުގެނައުމުން ނިމުނީއެވެ.
• އޭނާގެ މަޙައްލުންވަކިވެ ޖެހިގެން އޮތް ރުކުނަށް ވާޞިލުނުވެނޭނަމަ ކުރީގެ މަޙައްލަށް ރުޖޫޢަވެ އުނިވި ވާޖިބު އަދާކޮށް ނަމާދު ފުރިހަމަކުރުމަށްފަހު ސަލާމްދީފައި ކުށުސަޖިދަޖަހާނީއެވެ.
• ޖެހިގެން އޮތް ރުކުނަށް ވާޞިލުވުމަށްފަހު ވާޖިބެއް އުނިވެއްޖެކަން ހަނދާންވެއްޖެނަމަ އުނިވި ވާޖިބު އަދާކުރުމަށް އެނބުރިދިއުމަކާއި ނުލައި ނަމާދު ފުރިހަމަކޮށް ސަލާމްދިނުމުގެކުރިން ކުށުސަޖިދަޖަހައި ސަލާމްދޭނީއެވެ.

 ނަމާދުގެ ރުކުންތައް:

• ކުޅަދާނަވެގެންވާ މީހާ ނަމާދަށް ކޮޅަށްހުރުން
• ހަށަމްބަން ތަކްބީރުކިޔުން
• ސޫރަތުލް ފާތިޙާ ކިޔުން
• ރުކޫޢުކުރުން
• ރުކޫޢުން ތެދުވުން
• ހަތް ގުނަވަނުގައި ސަޖިދައަށް އޮތުން
• ސަޖިދައިންތެދުވުން
• ދެސަޖިދަ ދެމެދު އިށީނދެއިނުން
• އެންމެހައި ރުކުންތަކެއްގައި ހަމަޖެހިލުން
• ހަމަޖެހިލުމަށްޓަކައި އިށީނުން
• ފަހު އައްތަޙިއްޔާތު ކިޔުން
• ރަސޫލާގެ މައްޗަށް ޞަލަވާތްކިޔުން
• ސަލާމްދިނުން
• ތަރުތީބުކުރުން

ނަމާދުގެ ވާޖިބުތައް

• ހަށަމްބަން ތަކްބީރު ފިޔަވައި އެންމެހައި ތަކްބީރުތައް
• އިމާމާ އާއި މައުމޫމުން سمع الله لمن حمده ކިޔުން
• އިމާމާ އާއި މައުމޫމުން ربنا ولك الحمد ކިޔުން
• ދެސަޖިދަ ދެމެދުގައި ربي اغفر لي ކިޔުން
• ރުކޫޢުގައި سبحان ربي العظيم ކިޔުން
• ސަޖިދައިގައި سبحان ربي الأعلى ކިޔުން
• ފުރަތަމަ އައްތަޙިއްޔާތު ކިޔުން