ރުޅި އައިސްގެން ކުރާ ވަރީގެ ޙުކުމް
ރުޅި އައިސްފައި ހުރެގެން ކުރާ ވަރީގެ ޙުކުމަކީ ކޮބައިތޯ؟
الحمد لله، والصلاة والسلام على رسول الله، صلى الله عليه وسلم، وبعد:
ރުޅީގައި ތިން ޙާލަތެއް ވެއެވެ. އެއީ:
އިޝްތިހާރު
- މީހާގެ ޝުޢޫރު ގެއްލި މޮޔަ މީހެއް ފަދައިންވާ ވަރަށް ރުޅިގަދަވުން. މިފަދަ ޙާލަތުގައި ވަރި ނުވާނެ ކަމަށް ހުރިހާ ޢިލްމުވެރިން އިޖްމާޢުވެލައްވައެވެ. ސަބަބަކީ އެމީހަކީ ބުއްދި ފިލައި ގޮސްފައިވާ މޮޔަ މީހެއް ފަދަ މީހަކަށްވާތީވެއެވެ.
- ރުޅިގަދަވީނަމަވެސް، ތިމާ އަށް ކިޔޭ ނުކިޔޭ އެނގޭވަރަށް ރުޅިއައުން. ނަމަވެސް، ރުޅިގަދަ ވެއްޖެނަމަ، ތިމާގެ އަމިއްލަ ނަފްސު ކޮންޓްރޯލް ނުކުރެވި އަތުން ފައިން ގޯސް ހެދޭ ވަރުވުން. މިފަދަ މީހާ ކުރާ ވަރި ވަރިއަކަށް ވާނެތޯ ނުވަތަ ނޫންތޯ ޢިލްމުވެރިންގެ މެދުގައި ޚިލާފު އުފެދިފައިވެއެވެ. ރާޖިޙް ގޮތަކީ ވަރި ނުވުމެވެ. އެހެނީ ރަސޫލުﷲ ޞައްލަﷲ ޢަލައިހި ވަސައްލަމަ ޙަދީޘް ކުރައްވާފައިވެއެވެ. (لا طَلاقَ وَلا عَتَاقَ فِي إِغْلاقٍ ) رواه ابن ماجه (2046) وصححه الألباني في الإرواء (2047) މާނައަކީ: ”މަޖްބޫރީ ޙާލަތުގައްޔާއި، ރުޅިގަދަވެފައި ހުންނަ ޙާލަތުގައި ވަރި ކުރުމެއް، އަޅުން މިނިވަން ކުރުމެއް ނެތެވެ.“
- އާދައިގެ ވަރަކަށް ރުޅިއައުން. މިފަދަ ޙާލަތުގައި ކުރާ ވަރި ވަރިއަކަށް ވާނެ ކަމަށް ހުރިހާ ޢިލްމުވެރިން އިޖްމާޢުވެލައްވައެވެ.
މިއީ، މިމައްސަލާގައި ޝައިޚުލް އިސްލާމް އިބްނު ތައިމިއްޔާ އާއި އިބްނުލް ގައްޔިމް ރަޙިމަހުމަﷲ- ދެއްވާފައިވާ ތަފްޞީލެވެ. والله أعلم
ޖަވާބު ދެއްވީ . ޑރ. މުޙައްދަމު ޢިޔާޟް ޢަބްދުއްލަޠީފ
މިލިޔުން ކިޔާލުމުން
جزاك لله خيرا