ބީއެމްއެލްގެ ސެލްފް ސަރވިސް އޭޓީއެމް ސެންޓަރެއް ހުޅުމާލޭގައި ހުޅުވައިފި

ބޭންކް އޮފް މޯލްޑިވްސް (ބީއެމްއެލް)ގެ ސެލްފް ސަރވިސް އޭޓީއެމް ސެންޓަރެއް ހުޅުމާލޭގައި ހުޅުވައިފިއެވެ.

ރެނާޓަސް އިތާމުއިގައި ތިން އޭޓީއެމްއާއި އެކު ހުޅުވި މި ސެންޓަރުން ފައިސާ ނެގުމާއި ޖަމާކުރުމާއި އެއް އެކައުންޓުން އަނެއް އެކައުންޓަށް ފައިސާ ޓްރާންސްފަރ ކުރުމުގެ ޚިދުމަތް 24 ގަޑިއިރު ލިބޭނެއެވެ.

އިޝްތިހާރު

ޤައުމީ ބޭންކުގެ އޭޓީއެމް މިހާރު ހުޅުމާލޭގައި ހުންނަ ބީއެމްއެލްގެ ބްރާންޗުންނާއި ހުޅުމާލޭގައި ހުންނަ ޓްރީޓޮޕް ހޮސްޕިޓަލް ހުންނަ ސަރަހައްދުގައި ބަހައްޓާފައިވާ އޭޓީއެމުން ލިބޭނެއެވެ.

މުޅި ރާއްޖެ ހިމެނޭ ބޭންކިންގ ވިއުގަޔަކާއެކު ބީއެމްއެލްއިން 20 އަތޮޅުގައި 37 ބްރާންޗް ހުޅުވާ، 40 ސެލްފް ސަރވިސް ބޭންކިންގ ސެންޓަރު ވަނީ ޤާއިމުކޮށްފައެވެ. އަދި 100 އަށް ވުރެ ގިނަ އޭޓީއެމް ބަހައްޓާފައިވާ އިރު، 5300 ޕީއޯއެސް މާޗަންޓުންނާއި 277 ކޭޝް އޭޖެންޓުންވެސް އަންނަނީ ޙަރަކާތްތެރިވަމުންނެވެ.