ދިރާގު ސްޕެޝަލް ސްޕޯޓްސް ފެސްޓިވަލް މާދަމާ..
ދިރާގުގެ ސްޕެޝަލް ސްޕޯޓްސް ފެސްޓިވަލްގެ މިއަހަރުގެ ހަރަކާތްތައް މާދަމާ އޮންނާނެއެވެ.
އެ ކުންފުނިން ބުނީ ރާއްޖޭގައި ދިރިއުޅޭ ނުކުޅެދުންތެރިކަން ހުންނަ ކުދިންނަށް އަމާޒުކޮށްގެން ބާއްވާ މި ފެސްޓިވަލް އޮންނާނީ މާދަމާ ހަވީރު 16:00 އިން އިރުއޮއްސި 18:00ގެ ނިޔަލަށް ހެންވޭރު ފުޓްބޯޅަ ދަނޑުގައި ކަމަށެވެ.
2011 ވަނަ އަހަރުން ފެށިގެން ބާއްވަމުން އަންނަ މި ފެސްޓިވަލުގައި މި އަހަރު 4 އެންޖީއޯ އާއި 11 ސްކޫލެއް ވަނީ ބައިވެރިވެފައެވެ.
މިއީ ތަފާތު ނުކުޅެދުންތެރިކަން ހުންނަ ކުދިންނަށް އެއްތަނަކުން އެ ހުރިހާ ކުދިންނަށް މަޖާކޮށްލުމުގެ ފުރުޞަތު ފަހިކޮށްދިނުމާއެކު އެފަދަ ކުދިންގެ ކޮންފިޑެންސް ލެވެލް އިތުރުކުރުމުގެ މަޤުޞަދުގައި ބާއްވަމުން އަންނަ ފެސްޓިވަލެކެވެ.
މި ފެސްޓިވަލުގައި ނުކުޅެދުންތެރިކަން ހުންނަ ކޮންމެ ކުއްޖަކަށްވެސް ބައިވެރިވެވޭ އިރު، ވަނަ ވަނައަށް އަންނަ ކުދިންނަށް މެޑަލް ދިނުމަށް ވަނީ ހަމަޖެހިފައެވެ.
390 ކުދިން ބައިވެރިވާ މިއަހަރުގެ ފެސްޓިވަލުގައި ބެޓްން ރިލޭ، ދުވުން ފަދަ ކުޅިވަރުތައް ކުޅުމަށް ވަނީ ނިންމާފައެވެ.
މިލިޔުން ކިޔާލުމުން
