فَأَرَدْنَا أَن يُبْدِلَهُمَا رَبُّهُمَا خَيْرًا مِّنْهُ زَكَاةً وَأَقْرَبَ رُحْمًا ﴿٨١﴾
ފަހެ ، ތިމަންކަލޭގެފާނު އެދިވަޑައިގަތީ ، އެ ދެމަފިރިންގެ ވެރިރަސްކަލާނގެ ، އެކުއްޖާއަށްވުރެ ދީންވެރި ހެޔޮލަފާ އަދި އޯގާތެރިކަންބޮޑު ކުއްޖަކު އެކުއްޖާގެ ބަދަލުގައި އެދެމީހުންނަށް ދެއްވުމަށެވެ.
وَأَمَّا الْجِدَارُ فَكَانَ لِغُلَامَيْنِ يَتِيمَيْنِ فِي الْمَدِينَةِ وَكَانَ تَحْتَهُ كَنزٌ لَّهُمَا وَكَانَ أَبُوهُمَا صَالِحًا فَأَرَادَ رَبُّكَ أَن يَبْلُغَا أَشُدَّهُمَا وَيَسْتَخْرِجَا كَنزَهُمَا رَحْمَةً مِّن رَّبِّكَ ۚ وَمَا فَعَلْتُهُ عَنْ أَمْرِي ۚ ذَٰلِكَ تَأْوِيلُ مَا لَمْ تَسْطِع عَّلَيْهِ صَبْرًا ﴿٨٢﴾
އަދި އެފާރާމެދު ދަންނައެވެ! ފަހެ ، އެފާރަކީ އެރަށުގައިވާ ޔަތީމު ދެކުއްޖެއްގެ ފާރެކެވެ. އަދި އެ ފާރުގެ ދަށުގައި ، އެ ދެކުދިންނަށްވާ ޚަޒާނާއެއްވެއެވެ. އަދި އެ ދެކުދިންގެ ބައްޕައަކީ ، ޞާލިޙު މީހެއް ކަމުގައިވެސްވިއެވެ. ފަހެ ، ކަލޭގެފާނުގެ ރައްބު އިރާދަކުރެއްވީ ، އެ ދެކުދިން ބޮޑުވެ ، ފުރާފުރިހަމަވުމުން ، އެ ދެކުދިންގެ ޚަޒާނާ ، އެ ދެކުދިން ނެރުމަށެވެ. އެއީ ކަލޭގެފާނުގެ ރައްބުގެ ޙަޟްރަތުންވާ ރަޙްމަތެއްގެ ގޮތުންނެވެ. އަދި ތިމަންކަލޭގެފާނު އެކަންތައްތައް ކުރެއްވީ ، ތިމަންކަލޭގެފާނުގެ އަމިއްލަ ރައުޔަކަށް ނޫނެވެ. މިއީ ކަލޭގެފާނަށް އެކަންކަމުގެ މައްޗަށް ކެތްކުރެއްވުމަށް ކުޅަދާނަވެވަޑައިނުގެންނެވުނު ކަންތަކުގެ ތަފްސީރެވެ”.
وَيَسْأَلُونَكَ عَن ذِي الْقَرْنَيْنِ ۖ قُلْ سَأَتْلُو عَلَيْكُم مِّنْهُ ذِكْرًا ﴿٨٣﴾
އަދި ޛުލްޤަރްނައިންއާ ބެހޭގޮތުން އެއުރެން ކަލޭގެފާނާ ސުވާލުކުރެތެވެ. ކަލޭގެފާނު ވިދާޅުވާށެވެ: “އެކަލޭގެފާނުގެ ވާހަކައިން ތިމަންކަލޭގެފާނު ، ތިޔަބައިމީހުންނަށް ކިޔައިދެއްވާ ހުށީމެވެ.
إِنَّا مَكَّنَّا لَهُ فِي الْأَرْضِ وَآتَيْنَاهُ مِن كُلِّ شَيْءٍ سَبَبًا ﴿٨٤﴾
ހަމަކަށަވަރުން ، ތިމަންރަސްކަލާނގެ އެކަލޭގެފާނަށް ބިމުގައި ކަންތައް ފަހިކޮށްދެއްވައި ، ބާރުވެރިކޮށްދެއްވީމެވެ. އަދި ކޮންމެކަމެއް ކުރުމަށް ، އެކަލޭގެފާނަށް ތިމަންރަސްކަލާނގެ މަގު ތަނަވަސްކޮށްދެއްވީމެވެ.
فَأَتْبَعَ سَبَبًا ﴿٨٥﴾
ފަހެ ، އެކަލޭގެފާނު (اللّه ދެއްވި ޢިލްމާއި ވަޞީލަތްތަކުގެ އެހީގައި މަގަކުން) ކުރިޔަށް ވަޑައިގަތެވެ.
حَتَّىٰ إِذَا بَلَغَ مَغْرِبَ الشَّمْسِ وَجَدَهَا تَغْرُبُ فِي عَيْنٍ حَمِئَةٍ وَوَجَدَ عِندَهَا قَوْمًا ۗ قُلْنَا يَا ذَا الْقَرْنَيْنِ إِمَّا أَن تُعَذِّبَ وَإِمَّا أَن تَتَّخِذَ فِيهِمْ حُسْنًا ﴿٨٦﴾
އިރުއޮއްސޭ ތަނަށް އެކަލޭގެފާނު ވަޑައިގަތުމަށް ދާނދެނެވެ. އެހިނދު (ކަޅުކުލައިގެ) މަށި ފެންގަނޑަކަށް އިރު އޮއްސޭތީ، އެކަލޭގެފާނަށް ފެނިވަޑައިގަތެވެ. އަދި އެތާނގެ ކައިރިން އެކަލޭގެފާނަށް ބަޔަކުމީހުން ފެނިވަޑައިގަތެވެ. ތިމަންރަސްކަލާނގެ ވަޙީކުރެއްވީމެވެ: ” އޭ ޛުލްޤަރްނައިން އެވެ! އެހެންޏާ އެއުރެންނަށް ކަލޭގެފާނު އަޛާބު ދެއްވާށެވެ! އެހެންޏާ އެއުރެންނާމެދު އޯގާތެރިކޮށް ކަންތައް ކުރައްވާށެވެ”.
قَالَ أَمَّا مَن ظَلَمَ فَسَوْفَ نُعَذِّبُهُ ثُمَّ يُرَدُّ إِلَىٰ رَبِّهِ فَيُعَذِّبُهُ عَذَابًا نُّكْرًا ﴿٨٧﴾
އެކަލޭގެފާނު ވިދާޅުވިއެވެ: ” އަނިޔާވެރިވީ (ޝިރުކުގެ މަތީގައި ދެމިހުރި) މީހާއާ މެދު (ދަންނައެވެ!) ފަހެ ، ނިކަންހުރެ އެމީހަކަށް އަހުރެމެން އަޛާބު ދޭހުށީމުއެވެ. ދެން އޭނާގެ ރައްބުގެ ޙަޟްރަތަށް އޭނާ ރައްދުކުރައްވޭ ހުއްޓެވެ. ފަހެ ، އެކަލާނގެ އެމީހަކަށް ، (އެޢަޛާބުގެ ބޮޑުކަމުން) އެމީހަކު އެޢަޛާބަށް އިންކާރުކުރާނެ ފަދަ ޢަޛާބެއް ދެއްވާހުށްޓެވެ.
وَأَمَّا مَنْ آمَنَ وَعَمِلَ صَالِحًا فَلَهُ جَزَاءً الْحُسْنَىٰ ۖ وَسَنَقُولُ لَهُ مِنْ أَمْرِنَا يُسْرًا ﴿٨٨﴾
އަދި އީމާންވެ ، ޞާލިޙު ޢަމަލުކުޅަ މީހާ (ދަންނައެވެ!) ފަހެ ، އެމީހަކަށް ހެޔޮ ޖަޒާ ހުއްޓެވެ. އަދި އެމީހަކަށް އަހުރެމެންގެ މިކަމުގައި ފަސޭހަ (ހެޔޮ) ގޮތުގައި (މުޢާމަލާތްކޮށް) މުޚާތަބު ކުރާހުށީމެވެ”.
ثُمَّ أَتْبَعَ سَبَبًا ﴿٨٩﴾
ދެން އެކަލޭގެފާނު (اللّه ދެއްވި ޢިލްމާއި ވަޞީލަތްތަކުގެ އެހީގައި މަގަކުން އަނެއްކާވެސް) ކުރިޔަށް ވަޑައިގަތެވެ.
حَتَّىٰ إِذَا بَلَغَ مَطْلِعَ الشَّمْسِ وَجَدَهَا تَطْلُعُ عَلَىٰ قَوْمٍ لَّمْ نَجْعَل لَّهُم مِّن دُونِهَا سِتْرًا ﴿٩٠﴾
އިރުއަރާތަނަށް އެކަލޭގެފާނު ވަޑައިގަތުމަށް ދާނދެނެވެ. އެހިނދު ، އިރުގެ ހޫނުން ސަލާމަތްވާނެ އެއްވެސްކަހަލަ ނިވަލެއް ތިމަންރަސްކަލާނގެ އެއުރެންނަށް ލައްވާފައިނުވާ ބަޔަކުމީހުންގެ މައްޗަށް އިރުއަރާތީ ، އެކަލޭގެފާނަށް ފެނިވަޑައިގަތެވެ.
كَذَٰلِكَ وَقَدْ أَحَطْنَا بِمَا لَدَيْهِ خُبْرًا ﴿٩١﴾
ކަންހުރީ އެފަދައިންނެވެ. ހަމަކަށަވަރުން ، އެކަލޭގެފާނުގެ ހުރިހާ ކަމެއްގެ ޚަބަރު ތިމަންރަސްކަލާނގެ މޮޅަށް ދެނެވޮޑިގެންވަމެވެ.
ثُمَّ أَتْبَعَ سَبَبًا ﴿٩٢﴾
ދެންވެސް އެކަލޭގެފާނު (اللّه ދެއްވި ޢިލްމާއި ވަޞީލަތްތަކުގެ އެހީގައި މަގަކުން އަނެއްކާވެސް) ކުރިޔަށް ވަޑައިގަތެވެ.
حَتَّىٰ إِذَا بَلَغَ بَيْنَ السَّدَّيْنِ وَجَدَ مِن دُونِهِمَا قَوْمًا لَّا يَكَادُونَ يَفْقَهُونَ قَوْلًا ﴿٩٣﴾
ދެފަރުބަދަ ދެމެދަށް އެކަލޭގެފާނު ވަޑައިގަތުމަށް ދާނދެނެވެ. އެތާނގެ ކައިރިން އެކަލޭގެފާނަށް ބަޔަކުމީހުން ފެނިވަޑައިގަތެވެ. އެބައިމީހުންނާ މީހަކު ދައްކާ ވާހަކައެއް އެނގުމަކާ ގާތްވެސް ނުވެއެވެ.
قَالُوا يَا ذَا الْقَرْنَيْنِ إِنَّ يَأْجُوجَ وَمَأْجُوجَ مُفْسِدُونَ فِي الْأَرْضِ فَهَلْ نَجْعَلُ لَكَ خَرْجًا عَلَىٰ أَن تَجْعَلَ بَيْنَنَا وَبَيْنَهُمْ سَدًّا ﴿٩٤﴾
އެއުރެން ބުންޏެއެވެ:” އޭ ޛުލްޤަރްނައިން އެވެ! ހަމަކަށަވަރުން ، ޔައުޖޫޖު މައުޖޫޖުބާގައި މީހުންނަކީ ، ބިމުގައި ފަސާދަކޮށްއުޅޭ ބަޔެކެވެ. ފަހެ ، ކަލޭގެފާނު ތިމަންމެންނާ އެއުރެންނާ ދެމެދުގައި ހުރަހެއް ލައްވައިދެއްވާނެކަމަށް ކަލޭގެފާނަށް ތިމަންމެން އަގެއް ދެންތޯއެވެ؟”
قَالَ مَا مَكَّنِّي فِيهِ رَبِّي خَيْرٌ فَأَعِينُونِي بِقُوَّةٍ أَجْعَلْ بَيْنَكُمْ وَبَيْنَهُمْ رَدْمًا ﴿٩٥﴾
އެކަލޭގެފާނު ވިދާޅުވިއެވެ: “ތިމަންކަލޭގެފާނުގެ ރައްބު އެކަމުގައި ތިމަންކަލޭގެފާނަށް ދެއްވާފައިވާ ބާރު (ތިޔަ އަގަށް ވުރެ) މާރަނގަޅެވެ. ފަހެ ، ތިޔަބައިމީހުން (މަސައްކަތް ކުރާނެ މީހުން ހޯދައި) ބާރެއްލައިދީ ، ތިމަންކަލޭގެފާނަށް ވާގިވެރިވާށެވެ! އޭރުން ތިޔަބައިމީހުންނާ އެއުރެންނާ ދެމެދު ހުރަހެއް ލައިދޭހުށީމެވެ.
آتُونِي زُبَرَ الْحَدِيدِ ۖ حَتَّىٰ إِذَا سَاوَىٰ بَيْنَ الصَّدَفَيْنِ قَالَ انفُخُوا ۖ حَتَّىٰ إِذَا جَعَلَهُ نَارًا قَالَ آتُونِي أُفْرِغْ عَلَيْهِ قِطْرًا ﴿٩٦﴾
ތިމަންކަލޭގެފާނަށް ދަގަނޑުގެ އެތިއެތިގަނޑު ގެނެސްދޭށެވެ!” ދެން އެދެފަރުބަދަ ދޭތެރޭގައި އޮތްތަން އެއްވަރުވީހިނދު ، އެކަލޭގެފާނު ވިދާޅުވިއެވެ: “(އެ ދަގަނޑުތައް ދޮންވެއްޖައުމަށް ދާނދެން) ތިޔަބައިމީހުން (އެއަލިފާންގަނޑަށް) ވިހޭށެވެ”. (ދެއަށްފަހު) އެކަލޭގެފާނު ވިދާޅުވިއެވެ: “(އެތަކެތި) ތިމަންކަލޭގެފާނަށް ގެނެސްދޭށެވެ. ތިމަންކަލޭގެފާނު އެތަނަށް ލޮއި އޮއްސާހުށީމެވެ”.
فَمَا اسْطَاعُوا أَن يَظْهَرُوهُ وَمَا اسْتَطَاعُوا لَهُ نَقْبًا ﴿٩٧﴾
ފަހެ ، އެ ހުރަހުގެ މަތިން އެއުރެންނަށް (ޔައުޖޫޖު މައުޖޫޖު ބާގައިގެ މީހުނަނަށް) އެރުމަކަށް ކުޅަދާނައެއް ނުވިއެވެ. އަދި އެ ހުރަސް ފޫއަޅުވައިލުމަކަށްވެސް ، އެއުރެންނަކަށް ކުޅަދާނައެއް ނުވިއެވެ.
قَالَ هَـٰذَا رَحْمَةٌ مِّن رَّبِّي ۖ فَإِذَا جَاءَ وَعْدُ رَبِّي جَعَلَهُ دَكَّاءَ ۖ وَكَانَ وَعْدُ رَبِّي حَقًّا ﴿٩٨﴾
އެކަލޭގެފާނު ވިދާޅުވިއެވެ: “މިއީ ތިމަންކަލޭގެފާނުގެ ރައްބުގެ ޙަޟްރަތުންވާ ރަޙްމަތެކެވެ. ފަހެ ، ތިމަންކަލޭފާނުގެ ރައްބުގެ ވަޢުދުފުޅު (ގެ ވަގުތު) އައުމުން ، އެހުރަސް ކުނޑިކުނޑިވެގެން ބިމާ ހަމަވެގެން ހިނގައިދާހުއްޓެވެ. އަދި ތިމަންކަލޭގެފާނުގެ ރައްބުގެ ވަޢުދުފުޅު ، ޙައްޤު ތެދުކަމުގައިވިއެވެ”.
وَتَرَكْنَا بَعْضَهُمْ يَوْمَئِذٍ يَمُوجُ فِي بَعْضٍ ۖ وَنُفِخَ فِي الصُّورِ فَجَمَعْنَاهُمْ جَمْعًا ﴿٩٩﴾
އެދުވަހުން ، ތިމަންރަސްކަލާނގެ އެއުރެންގެ އެއްބަޔަކު އަނެއްބަޔެއްގެ މައްޗަށް (ރާޅުތައް ފަދައިން އެއްބަޔަކު އަނެއް ބަޔަކާ އެކުވެ) އުތުރިއަރާގޮތަށް ދޫކޮށްލައްވާ ހުށީމެވެ. އަދި ތާޅަފިލި ފުމެލެއްވޭހުށްޓެވެ. ފަހެ ، އެހާރުން ތިމަންރަސްކަލާނގެ އެއުރެން އެންމެން ޖަމާކޮށް އެއްކުރައްވާ ހުށީމެވެ.
وَعَرَضْنَا جَهَنَّمَ يَوْمَئِذٍ لِّلْكَافِرِينَ عَرْضًا ﴿١٠٠﴾
އަދި އެދުވަހުން ، ކާފަރުންނަށް ފެންނަގޮތަށް ތިމަންރަސްކަލާނގެ ނަރަކަ ހުށަހަޅުއްވާ ހުށީމެވެ.
الَّذِينَ كَانَتْ أَعْيُنُهُمْ فِي غِطَاءٍ عَن ذِكْرِي وَكَانُوا لَا يَسْتَطِيعُونَ سَمْعًا ﴿١٠١﴾
އެއުރެންނަކީ ، ތިމަންރަސްކަލާނގެ ޛިކުރުން (އެބަހީ: ﷲ ތަޢާލާގެ ޥަޙީބަސްފުޅުން) އެއުރެންގެ ލޯތައް ފަރުދާވެގެންވީ މީހުންނެވެ. އަދި (އެ) އަޑުއެހުމަށް ކުޅަދާނަވެގެނނުވާ ބަޔަކު ކަމުގައި އެއުރެންވިއެވެ.
أَفَحَسِبَ الَّذِينَ كَفَرُوا أَن يَتَّخِذُوا عِبَادِي مِن دُونِي أَوْلِيَاءَ ۚ إِنَّا أَعْتَدْنَا جَهَنَّمَ لِلْكَافِرِينَ نُزُلًا ﴿١٠٢﴾
ތިމަންރަސްކަލާނގެ އަޅުންނަކީ ތިމަންރަސްކަލާނގެ ފިޔަވައި ވާގިވެރިން ކަމުގައި ، ކާފިރުވީ މީހުން ހިފިހިފުން އެއީ ، ތިމަންރަސްކަލާނގެ ޢަޛާބުން އެއުރެން ސަލާމަތްކޮށްދޭނޭ ކަމެއްކަމުގައި އެއުރެން ހީކުރީ ހެއްޔެވެ؟ ހަމަކަށަވަރުން ، ތިމަންރަސްކަލާނގެ ނަރަކަ ތައްޔާރުކުރެއްވީ ، ކާފިރުން ފައިބައި ތިބެނިވި ތަނެއްކަމުގައެވެ.
قُلْ هَلْ نُنَبِّئُكُم بِالْأَخْسَرِينَ أَعْمَالًا ﴿١٠٣﴾
ކަލޭގެފާނު ވިދާޅުވާށެވެ: “ޢަމަލުތައް އެންމެ ބޮޑަށް ގެއްލެނިވެގެންވާ މީހުންގެ ޚަބަރު ، ތިޔަބައިމީހުންނަށް ތިމަންކަލޭގެފާނު އަންގަވައިދެއްވަން ހެއްޔެވެ؟
الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا ﴿١٠٤﴾
އެއުރެންނަކީ ދުނިޔޭގެ ޙަޔާތުގައި ، ހެޔޮކޮށް ކަންތައްކުރެވޭ ކަމަށް ހީކޮށްގެން ތިބިޙާލު ، އެއުރެންގެ ޢަމަލުތައް ބާޠިލްވެ ، ގެއްލިފައިވާ މީހުންނެވެ”.
أُولَـٰئِكَ الَّذِينَ كَفَرُوا بِآيَاتِ رَبِّهِمْ وَلِقَائِهِ فَحَبِطَتْ أَعْمَالُهُمْ فَلَا نُقِيمُ لَهُمْ يَوْمَ الْقِيَامَةِ وَزْنًا ﴿١٠٥﴾
އެއުރެންނަކީ ، އެއުރެންގެ ވެރިރަސްކަލާނގެ އާޔަތްތަކަށާއި ، އެކަލާނގެއާ ބައްދަލުވާން ޖެހޭނެކަމަށް ކާފިރުވީ މީހުންނެވެ. ފަހެ، އެއުރެންގެ ޢަމަލުތައް ބާޠިލް ވެފައިވެއެވެ. ފަހެ ، ޤިޔާމަތް ދުވަހުން އެއުރެންނަކަށް ތިމަންރަސްކަލާނގެ (އެއުރެންގެ ޢަމަލުތައް ކިރުމަށް) މީޒާން ޤާއިމު ނުކޮށްދެއްވާ ހުށީމެވެ.
ذَٰلِكَ جَزَاؤُهُمْ جَهَنَّمُ بِمَا كَفَرُوا وَاتَّخَذُوا آيَاتِي وَرُسُلِي هُزُوًا ﴿١٠٦﴾
އެއީ އެއުރެންގެ ޖަޒާއެއް ކަމުގައިވާ ނަރަކައެވެ. އެއީ އެއުރެން ކާފިރުވެ އަދި ތިމަންރަސްކަލާނގެ އާޔަތްތަކާއި، ތިމަންރަސްކަލާނގެ ރަސޫލުންނީ ފުރައްސާރައެއް ކަމުގައި ހެދިކަމަށްޓަކައެވެ.
إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا ﴿١٠٧﴾
ހަމަކަށަވަރުން ، އީމާންވެ ، ޞާލިޙް ޢަމަލުތައް ކުޅަމީހުންނަށް ، އެއުރެން ތިބެނިވި ތަނެއްކަމުގައި ، “ފިރްދައުސް” އެވެ ކިއުނު ސުވަރުގެތައް ވެއެވެ.
خَالِدِينَ فِيهَا لَا يَبْغُونَ عَنْهَا حِوَلًا ﴿١٠٨﴾
އެތާނގައި ދެމިތިބޭ ޙާލުގައެވެ. އެއުރެން އެހެން ތަނަކަށް ބަދަލުވާކަށް ނޭދޭނެތެވެ.
قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا ﴿١٠٩﴾
ކަލޭގެފާނު ވިދާޅުވާށެވެ: “ތިމަންކަލޭގެފާނުގެ ރައްބުގެ ކަލިމަފުޅުތައް (ލިޔުމަށް ބޭނުން ކުރެވޭ) ދެއްޔެއް ކަމުގައި ކަނޑުވީނަމަ ، ތިމަންކަލޭގެފާނުގެ ރައްބުގެ ކަލިމަފުޅުތައް (ލިޔެ) ހުސްވުމުގެކުރިން ކަނޑު ހުސްވެއްޖައީހެވެ”. ތިމަންރަސްކަލާނގެ އެފަދަ އެހެން ކަނޑެއް އިތުރަށް ގެނެސްދެއްވި ނަމަވެސްމެވެ.
قُلْ إِنَّمَا أَنَا بَشَرٌ مِّثْلُكُمْ يُوحَىٰ إِلَيَّ أَنَّمَا إِلَـٰهُكُمْ إِلَـٰهٌ وَاحِدٌ ۖ فَمَن كَانَ يَرْجُو لِقَاءَ رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا ﴿١١٠﴾
ކަލޭގެފާނު ވިދާޅުވާށެވެ: “ތިޔަބައިމީހުން ފަދަ އާދަމުގެދަރިޔަކު ކަމުގައި މެނުވީ ތިމަންކަލޭގެފާނު ނުވެއެވެ. ތިމަންކަލޭގެފާނަށް ވަޙީ އިއްވެވެނީ ، ތިޔަބައިމީހުންގެ އިލާހަކީ ، އެއް އިލާހެއް ކަމުގައެވެ. ފަހެ ، އެމީހެއްގެ ރައްބާ ބައްދަލުވުމަށް އެދޭމީހާ ، ފަހެ އެމީހާ ޞާލިޙު ޢަމަލުން ޢަމަލު ކުރާ ހުށިކަމެވެ! އަދި އެމީހާގެ ވެރިރަސްކަލާނގެއަށް އަޅުކަންކުރުމުގައި ، އެއްވެސް ފަރާތެއް ބައިވެރި ނުކުރާހުށިކަމެވެ”. އަދި އެމީހާގެ ވެރިރަސްކަލާނގެއަށް އަޅުކަންކުރުމުގައި ، އެއްވެސް ފަރާތެއް ބައިވެރި ނުކުރާހުށިކަމެވެ”.
…
(ނޯޓް: މިއީ ރައިސް އޮފީހުން ނެރެފައިވާ ޤުރްއާން ތަރުޖަމާގެ ކަހްފު ސޫރަތް އަޞްލަކަށް ބަލައިގެން އައްޝައިޚް އަބޫބަކުރުގެ ޤުރްއާން ތަރުޖަމާއާއި ތަފްސީރު އިބްނު ކަޘީރާއި ތަފްސީރުލްޖަލާލައިނާއި ތަފްސީރުލްޤުރްޠުބީއާއި ތަފްސީރުއްޠަބަރާނީއާއި ޑރ. މުޙައްމަދު މުޙްސިން ޚާންގެ އިނގިރޭސި ޤުރްއާން ތަރުޖަމާއާ އަޅާކިޔުމަށްފަހުގައި ތަހުޛީބުކޮށް އެކުލަވާލާފައިވާ ތަރުޖަމާއެކެވެ).
والحمد لله رب العالمين
وصلى اللهم على نبينا محمد وعلى آله وصحبه وسلم
ނިމުނީ.
