ބ. އަތޮޅު ތަޢުލީމީ މަރުކަޒުގެ ބެލެނިވެރިންނަށް ޢަރަބި ބަސް ކިޔަވައިދެނީ..
ބ. އަތޮޅު ތަޢުލީމީ މަރުކަޒުގެ ބެލެނިވެރިންނަށް ޢަރަބި ބަސް ދަސްކޮށްދޭ ކްލާސްތަކެއް ފަށައިފިއެވެ.
ތިން މަސްދުވަހުގެ މުއްދަތަށް ކުރިއަށް ގެންދާ މި ކްލާހަށް ވަރަށް ބޮޑު ތަރުހީބެއް ލިބިފައިވާ ކަމަށާއި އެގޮތުން މި ކްލާހުގައި 40 ބެލެނިވެރިން ބައިވެރިވެފައިވާ ކަމަށް ބ. އަތޮޅު ތަޢުލީމީ މަރުކަޒުން ބުނެއެވެ.
އެ ސްކޫލުގެ ލީޑިންގ ޓީޗަރ ޝައިޚް މުޙައްމަދު ޙަބީބު ކިޔަވެއިދެއްވާ މި ކްލާހުގެ އިތުރު ބޮޅުތަކެއް ކުރިއަށް އޮތްތާނގާވެސް ބޭއްވުމަށް ނިންމާފައިވާ ކަމަށްވެސް އެ މަރުކަޒުން ބުނެއެވެ.
2015 ވަނަ އަހަރުން ފެށިގެން ޢަރަބި ބަސް މާއްދާއެއްގެ ގޮތުގައި އެ ސްކޫލުގެ ކީ ސްޓޭޖު 1 ގެ ކްލާސްތަކަށް ކިޔަވއިދެމުން އަންނަ ނަމަވެސް ބެލެނިވެރިންނަށް އަރަބި ބަހަށް އެހާ އަހުލުވެރި ނުވުމުގެ ސަބަބުން ދަރިވަރުންނަށް އަރަބި ކިޔަވައި ދިނުމުގައި ގޭގައި އެހީތެރިވުމަށް ދަތިތަކާ ވަނީ ކުރިމަތި ލާންޖެހިފައެވެ.
ނަމަވެސް މި ކްލާސްތަކުގެ ސަބަބުން އެކަން ހައްލުވެގެންދާނެ ކަމަށް އެ ސްކޫލުން ބުނެއެވެ.
މިލިޔުން ކިޔާލުމުން
