މީރާއިން އިންތިޒާމްކުރި “ހޭވައްލާ – ސާފު ކުރަމާ” ފަށައިފި.
މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން އިސްނަގައިގެން “ހޭވައްލާ – ސާފު ކުރަމާ” ގެ ނަމުގައި މާލެ ސާފު ކުރުމުގެ ޕްރޮގްރާމެއް މާލޭގައި ފަށައިފިއެވެ.
މީރާގެ “ހޭވައްލާ –ސާފުކުރަމާ” ގެ ނަމުގައި ސާފުކުރާ ޕްރޮގްރާމެއް މިއަދު ފެށި އިރު ވޭސްޓް މެނޭޖްމަންޓް ކޯޕަރޭޝަން (ވެމްކޯ) އާއި މިނިވަން މުއައްސަސާ ތަކާއި، ސަރުކާރު ހިއްސާވާ ކުންފުނިތަކުގެ އިތުރުން ސްކޫލުތަކާއި ކޮލެޖުތަކުން ހާހަކަށްވުރެ މީހުން ވަނީ ބައިވެރިވެފައެވެ.
އެގޮތުން މީރާގެ ސާފުކުރުމުގެ މި ހަރަކާތުގައި މާލޭގެ މަގުތަކާއި އާންމު ތަންތަން ސާފު ކުރުމާއެކު އެފަދަ ތަންތަނަށް ކުނި އެޅުމުގެ އާދަ ހުއްޓުވުމުގައި ފަރުދީ ޒިންމާއެއް އޮތްކަން ހަނދާން ކޮށްދީ ދިރިއުޅޭ ވެއްޓަކީ ސާފު ތަނެއްގެ ގޮތުގައި ބޭއްވުމަށް ހޭލުންތެރި ކުރުވުމަށްވެސް ހަރަކާތްކަކެއް ކުރިޔަށްގެންދިއުމަށް ވަނީ ހަމަޖެހިފައެވެ.
މީރާއިން އިސްނަގައިގެން ސަރުކާރުގެ އެކި މުއައްސަސާތަކާ ގުޅިގެން މާލެ ސާފުކުރުމުގެ ޕްރޮގްރާމެއް ކުރިޔަށްގެންދާއިރު މީ އެފަރާތުން ކޮންމެ އަހަރަކުވެސް އިސްނަގައިގެން ކުރިޔަށް ގެންދާ އިޖުތިމާއާި ޒިންމާގެ ތެރެއިން ހިމެނެ އިވެންޓްއެކެވެ.