ޤައުމުތަކަށް އިންވެސްޓަރުން އިންވެސްޓް ކުރަން ދާނީ އެޤައުމެއްގެ ސަރަޙައްދީ އިން ރައްކާތެރިކަމާއެކު ބަލަހައްޓާކަން ޔަގީންކުރުމަށްފަހު: ޝަރީފް

ޤައުމުތަކަށް އިންވެސްޓަރުން އިންވެސްޓް ކުރަން ދާނީ އެޤައުމެއްގެ ސަރަޙައްދީ އިން ރައްކާތެރިކަމާއެކު ބަލަހައްޓާކަން ޔަގީންކުރުމަށްފަހުގައި ކަމަށް ކޮމިޝަނަރ ޖެނަރަލް އޮފް ކަސްޓަމްސް އިބްރާހީމް ޝަރީފް ވިދާޅުވެއްޖެއެވެ.

އޭނާ މިހެން ވިދާޅުވީ ދިވެހިރާއްޖެއަށް އެތެރެ ކުރުން މަނާ ހަތިޔާރާއި ގޮވާތަކެތި ދެނެގަންނާނެ ގޮތުގެ މަޢުލޫމާތު ދިނުމަށް ކަސްޓަމްސްގެ އޮފިސަރުންނަށް އަމާޒުކޮށްގެން ކުރިއަށް ގެންދިޔަ ތަމްރީން ޕްރޮގްރާމް ނިންމުމުގެ ރަސްމިއްޔާތުގައި ވާހަކަ ދައްކަވަމުންނެވެ.

އިޝްތިހާރު Below Header ad

ޝަރީފް ވިދާޅުވީ ކަސްޓަމްސްގެ މުވައްޒަފުންނަށް އަބަދުވެސް ބޭނުންވާ ތަމްރީނުތައްދީ ކަންކަން ހަރުދަނާ ކުރުމަށް އަބަދުވެސް މަސައްކަތް ކުރައްވާނެ ކަމަށާއި ޤައުމުތަކުގެ ބޯޑަރު ބެލެހެއްޓުމުގައި ހަރަކާތްތެރިވާ މުވައްޒަފުންނަކީ ވަރަށް މުހިއްމު މަސައްކަތްތަކެއް ކުރާ ބައެއް ކަމަށެވެ.

އެހެންކަމުން ރާއްޖޭގައިވެސް އެ ދާއިރާގައި މަސައްކަތް ކުރާ މުވައްޒަފުންނަށް ރާއްޖެއަށް އެތެރެކުރުން މަނާ އެންމެ ފަހުގެ ހަތިޔާރާއި ގޮވާތަކެތި ދެނެގަންނާނެ ގޮތުގައި މަޢުލޫމާތުދީ ހޭލުންތެރިކުރުމަކީ އިސްކަމެއް ދީގެން ކުރަން ޖެހޭ މުހިއްމު މަސައްކަތެއް ކަމަށްވެސް ޝަރީފް ވިދާޅުވިއެވެ.

ކަސްޓަމްސްގެ ހެޑް އޮފީހުގައި ދެ ދުވަހުގެ މުއްދަތަށް ކުރިއަށް ގެންދިޔަ މި ޕްރޮގްރާމްގައި މަޢުލޫމާތު ދެއްވާފައިވަނީ އެމްއެންޑީއެފް ކަމާއިގުޅޭ ތަޖުރިބާކާރު ބޭފުޅުންނެވެ.

މި ޕްރޮމްރާމްގައި ކަސްޓަމްސް އޮފިސަރުންގެ ތިން ބެޗެއް ތަމްރީންކޮށްފައިވާ ކަމަށާއި މިޕްރޮގްރާމްގައި ރާއްޖެއަށް އެތެރެކުރުން މަނާ ހަތިޔާރާއި ގޮވާތަކެއްޗާއި އެތަކެތި ދެނެގަންނާނެ ގޮތާއި އެތަކެތި ފެނުމުން ޢަނމަލުކުރާނެ ގޮތުގެ މަޢުލޫމާތު އޮފިސަރުން ދީފައިވާނެ ކަމަށްވެސް ކަސްޓަމްސް އިން ބުނެއެވެ.

 

މިލިޔުން ކިޔާލުމުން

ވައިބަރ ޗެނަލަށް ވަންނަވާ
އިޝްތިހާރު

ޚިޔާލު ފާޅުކުރައްވާ


ގުޅުން ހުރި ލިޔުންތައް

Below Comments Ad
Back to top button
Close

Ad blocker Detected ! ފޮޓޯ ބްލޮކް ކުރާއެއް ފެނިއްޖެ

ތިޔަ ޑިވައިސްގައި ފޮޓޯ ބްލޮކް ކުރާ ސޮފްޓްވެއަރ/އެޕް އެއް އަޅާފައި އެބަހުއްޓެވެ. އެހެންކަމުން މިވެބްސައިޓްގައިވާ ފޮޓޯތައް ނުފެނުން އެކަށީގެންވެއެވެ. ފޮޓޯތައް ފެންނަ ގޮތަށް ވަނުމަށްޓަކައި ފޮޓޯ ބްލޮކް ކުރާ (އެޑް ބްލޮކަރ) އޮފކޮށްލައްވާށެވެ.