ޗައިނާގެ އެހީގައި ތަރައްޤީކުރާ ގްރީން ނާސަރީގެ ޢަމަލީ މަސައްކަތް

މި މަޝްރޫޢަކީ ރާއްޖޭގެ ނާޒުކު ތިމާވެށި ޙިމާޔަތްކުރުމަށާއި، މޫސުމަށް އަންނަ ބަދަލުތަކުން އަރައިގަތުމަށް ގަސްގަހާގެހި އިތުރުކޮށް ރާއްޖެ ފެހިކުރުމުގެ މަތިވެރި މަޤްޞަދުގައި ފަށާފައިވާ މުހިންމު މަސައްކަތެކެވެ.

މިގޮތުން ޗައިނާ ސަރުކާރުގެ ދީލަތި އެހީތެރިކަމާއެކު ތަރައްޤީކުރާ މި ޒަމާނީ ގްރީން ނާސަރީގެ ކޮންސްޓްރަކްޝަން މަސައްކަތްތައް ހުއްޓުމެއްނެތި، ތާވަލާ އެއްގޮތަށް މިހާރު ދަނީ ބާރަށް ކުރިއަށެވެ.

އިޝްތިހާރު

މި ނާސަރީ ވެގެންދާނީ 5 މިލިއަން ގަސް އިންދުމުގެ މަޝްރޫޢަށް ބޭނުންވާ އެކި ބާވަތްތަކުގެ ގަސްތަކާއި ޚާއްޞަކޮށް ރާއްޖޭގެ މާޙައުލާ ގުޅޭ ދިވެހި ރުއްގަހާއި ނެތެމުންދާ ބާވަތްތަކުގެ ގަސްތައް އާލާކޮށް ހެއްދުމަށް އެޅޭ ވަރަށް މުހިންމު ބިންގަލަކަށެވެ.

މި މަޝްރޫޢު ފުރިހަމަވެގެން ދިއުމުން، ރާއްޖޭގެ އެކި ކަންކޮޅުތަކުގައި ގަސް އިންދުމުގެ ޕްރޮގްރާމްތައް މެދުކެނޑުމެއްނެތި ކުރިއަށް ގެންދިއުމަށް ބޭނުންވާ ގަސް ފަސޭހަކަމާއެކު ލިބިގެންދާނެއެވެ. އަދި މިއީ ރާއްޖެއާއި ޗައިނާއާ ދެމެދު އޮތް ޒަމާންވީ ގާތް ގުޅުމާއި، ދެމެހެއްޓެނިވި ތަރައްޤީއަށް ދެ ޤައުމުން ގުޅިގެން ކުރަމުންދާ މަސައްކަތުގެ ހެޔޮ ނަތީޖާއެއްކަން ވެސް ފާހަގަކުރެވެ އެވެ.