ފާރެއް ވެއްޓި އަންހެނަކާއި ފިރިހެނަކަށް އަނިޔާވެއްޖެ

ފާރެއް ވެއްޓި އަނިޔާވި ދެމީހަކަށް އެމްއެންޑީއެފުން އެހީތެރިކަން ފޯރުކޮށްދީފިއެވެ.

އެމްއެންޑީއެފުން ބުނީ، ފާރެއް ވެއްޓި ޅ. ދިއްފުށިމާދޫއަށް ދަތުރު ގޮސް އުޅުނު ފިރިހެނަކާއި އަންހެނަކާށް އަނިޔާވެފައިވާތީ، އެމީހުން އިތުރު ފަރުވާއަށް ޅ.އަތޮޅު ހޮސްޕިޓަލަށް ގެންދިއުމަށް އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑް ފަސްޓް ސްކޮޑްރަންއިން އެހީތެރިކަން ފޯރުކޮށްދީފައިވާ ކަމަށެވެ.

އިޝްތިހާރު

އެމްއެންޑީއެފުން ބުނީ މި ހާދިސާގެ މައުލޫމާތު ލިބިފައިވަނީ ފަތިހު 05:19 އެހާކަންހާއިރު ކަމަށެވެ. އަދި ހާދިސާގެ މައުލޫމާތު ލިބުމާއެކު ނޮދަން އޭރިއާ ކޮމާންޑް، ކޯސްޓްގާޑް ފަސްޓް ސްކޮޑްރަންއަށް ލިބުމާއެކު ވަނީ ވަގުތުން ހަރަކާތްތެރިވެފައިވާ ކަމަށެވެ.

އެގޮތުން، އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑް ފަސްޓް ސްކޮޑްރަންގެ ”ހާބަރކްރާފްޓް 116″ ގައި 06:47 ހާއިރު އެ ސަރަހަހައްދަށް ގޮސް، މިއަދު 08:00 ހާއިރު އެ ހާދިސާގައި އަނިޔާލިބުނު އަންހެންމީހާ (57 އަހަރު) އާއި ފިރިހެން މީހާ (27 އަހަރު) އަވަސް ފަރުވާއަށް ޅ.އަތޮޅު ހޮސްޕިޓަލަށް ގެންގޮސްފައިވާ ކަމަށެވެ.

މި ހާދިސާގައި އެމީހުންނަށް ލިބުނު އަނިޔާތަކުގެ ތަފްސީލެއް އެމްއެންޑީއެފުން ދީފައިނުވެއެވެ.