ކުރީގެ ޓޫރިޒަމް މިނިސްޓަރ އަލީ ވަހީދު ހުންނެވީ އިނގިރޭސިވިލާތުގައި ހުންނަވާ ރާއްޖޭގެ ޑެޕިއުޓީ ކޮމިޝަނަރުގެ ގޭގައި ނޫން ކަމަށްއިނގިރޭސިވިލާތަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރު ޑރ. ފަރަޙްނާޒް ފައިޞަލް ވިދާޅުވެއްޖެ އެވެ.
ޑރ. ފަރަހްނާޒު ކުރައްވާފައިވާ ޓްވީޓެއްގައި ވިދާޅުވީ އަލީ ވަހީދު، ޑެޕިއުޓީ ހައިކޮމިޝަނަރުގެ ގޭގައި އުޅުއްވާކަމަށް ބުނެ ރާއްޖޭގެ އޮންލައިން ނޫހަކުން ފަތުރާފައިވަނީ ކަނޑައެޅިގެން ހަޤީޤަތާއި ޚިލާފު ވާހަކަތަކެއް ކަމަށެވެ. އަދި އެފަދައިން ޚަބަރު ފަތުރާފައިވަނީ އިނގިރޭސި ވިލާތުގައި ހުންނަ ރާއްޖޭގެ ޑެޕިއުޓީ ހައިކޮމިޝަނަރާއި އެމްބަސީގެ އަގުވައްޓާލައި، ބަދުނާމުކުރުމަށް ކަމަށެވެ.
Absolutely 100% fake news! Shame on @DhiyaresNews to even call yourself journalists! Totally despicable & horrendous smear attempt on the Deputy HC & the whole of Maldives High Commission team in London. https://t.co/CbjuCdy1vP
— Farah Faizal 🎈🇲🇻 (@DrFarahFaizal) June 23, 2021
އަލީ ވަހީދުގެ މައްޗަށް ޖިންސީ ގޯނާގެ ތުހުމަތުގެ މައްސަލައިގަ ދައުވާ އުފުލާފައި ވަނިކޮށް އިނގިރޭސިވިލާތަށް ވަޑައިގެންނެވީ ބޭސްފަރުވާއަށް ދެމަސް ދުވަހަށެވެ. ނަމަވެސް އެ މުއްދަތު ހަމަވުމުން ވެސް އޭނާ ރާއްޖެ ވަޑައިނުގަންނަވަ އެވެ.
އެހެންކަމުން އޭނާ އެދިވަޑައިގެންނެވުމުން އެގައުމުގައި ހުންނަ ރާއްޖޭގެ ހައި ކޮމިޝަނުގައި ހުންނަވައިގެން އޮންލައިންކޮށް ޝަރީއަތްތައް ވަނީ ފަށާފަ އެވެ.
ރާއްޖޭގެ ހައި ކޮމިޝަނުން އެފަދަ އިންތިޒާމެއް ފޮރިން މިނިސްޓްރީ މެދުވެރި ވެގެން ހަމަޖައްސައި ދީފައިވާތީ ގިނަ ބަޔަކު އަންނަނީ ފާޑު ކިޔަމުން ނެވެ.
