ޚަބަރު ފީތާ

ކޮޕަ އެމެރިކާ 2021: އެކުއެޑޯގެ މައްޗަށް ކޮލަމްބިއާ ކުރި ހޯދައިފި

ދެކުނު އެމެރިކާގެ ސަރަހައްދުގެ އެންމެ ބޮޑު ފުޓްބޯޯޅަ މުބާރާތް ރޭ ފަށާފައިވާއިރު، ގުރޫޕް ބީގެ ދެވަނަ މެޗުގައި ބައްދަލުކުރީ ކޮލަމްބިއާ އާއި އެކުއެޑޯ އެވެ.

މިއަދު ކުޅުނު މި މެޗުން އެކުއެޑޯގެ މައްޗަށް ކޮލަމްބިއާ ކުރިހޯދީ 0-1 ގެ ނަތީޖާއިންނެވެ.

ދެ ޓީމުގެ ފަރާތުންވެސް ފޯރިގަދަ ކުޅުމެއް ފެނިގެން ދިޔަ މި މެޗުގައި ފެނިގެން ދިޔަ ހަމަ އެކަނި ލަނޑު ކޮލަމްބިއާއިން ކާމިޔާބު ކުރީ ފުރަތަމަ ހާފުގެ ކުޅުން ނިމެން ދަނިކޮށް މެޗުގެ 42 ވަނަ މިނެޓުގައެވެ. މި ލަނޑު އެޓީމަށް ކާމިޔާބު ކޮށްދިނީ އެޑްވިން ކާޑޯނާއެވެ.

އެއް ލަނޑުގެ ލީޑެއްގައި އޮވެ މެޗުގެ ފުރަތަމަ ހާފު ކޮލަމްބިއާއި ނިންމާލިއިރު، ދެވަނަ ހާފުގައިވެސް އެޓީމުން ވަނީ ރަނގަޅު ކުޅުމެއް ދައްކާފައެވެ. އެގޮތުން ގިނަ ހަމަލާތަކެއް އެކުއެޑޯގެ ގޯލަށް އަމާޒުކޮށް ފޮނުވާލިއިރު، މީގެ ގިނަ ހަމަލާތަކުގެ ހުރަހަކަށްވީ އެކުއެޑޯގެ ގޯލް ކީޕަރު ޕެޓްރޯ އޯޓިޒްއެވެ. މެޗު ނިމިގެން ދިޔައީ އިތުރު ލަނޑެއް ނުޖެހި އޮވެއެވެ.

ކޮލަމްބިއާ އަދި އެކުއެޑޯ ހިމެނީ ގުރޫޕް ބީގައެވެ. މީގެ އިތުރުން އެ ގުރޫޕުގައި ދެން ހިމެނެނީ ބްރަޒިލް އާއި ވެނެޒުއެލާއެވެ. ވެނެޒުއެލާގެ މައްޗަށް ބެރެޒިލް ރޭ ކުޅުނު މެޗުން ކުރި ހޯދާފައިވަނީ 0-3 ގެ ނަތީޖާއިންނެވެ.

މިރޭ ވެސް މި މުބާރާތުގެ ފޯރިގަދަ ދެ މެޗު ކުޅޭނެ އެވެ. މިރޭ ކުޅޭނީ ގުރޫޕް އޭގެ ދެމެޗެވެ. އެގޮތުން މިރޭ ރާއްޖޭ ގަޑިން ދަންވަރު 2 ޖަހާއިރު އާޖެންޓީނާ އަދި ޗިލީ ބައްދަލުކުރާ މެޗު ކުޅޭއިރު ފަތިހު 5 ޖަހާއިރު ޕެރަގުއޭ އަދި ބޮލީވިއާ ބައްދަލުކުރާ މެޗު ކުޅޭނެއެވެ.

Like
Like Love Haha Wow Sad Angry

މިލިޔުމަށް ޚިޔާލު ފޮނުވާ "ކޮޕަ އެމެރިކާ 2021: އެކުއެޑޯގެ މައްޗަށް ކޮލަމްބިއާ ކުރި ހޯދައިފި"

ޚިޔާލު ފާޅުކުރައްވާ

އީމެއިލް އެޑްރެސް ހާމަ ނުކުރާނެ.