ޚަބަރު ފީތާ

ޔޫރޯ 2020: އިންގްލެންޑުން ކްރޮއޭޝިއާ ބަލިކޮށްފި

މިހާރު ކުރިޔަށްދާ ޔޫރޯ ފުޓްބޯޅަ މުބާރާތުގައި މިއަދު ހަވީރު ކުޅުނު މެޗުން ކްރޮއޭޝިއާގެ މައްޗަށް އިންގްލެންޑް އިން ކުރި ހޯދައިފިއެވެ.

ގުރޫޕް ޑީގައި ހިމެނޭ ކްރޮއޭޝިއާ އަދި އިންގްލެންޑް ބައްދަލު ކުރި މި މެޗު އިންގްލެންޑްއިން ކާމިޔާބުކުރީ 0-1 ގެ ނަތީޖާއިންނެވެ.

އިނގެރޭސި ވިލާތުގެ ވެމްބްލީ ސްޓޭޑިއަމްގައި ކުޅުނު މި މެޗު ފަށައިގެން މޮޅަށް ކުޅެމުން އައީ އިންގްލެންޑުންނެވެ. އެގޮތުން ފުރަތަމަ ހާފުގައި ފޯޑެން ފޮނުވާލި ހަމަލާއެއް ކްރޮއޭޝިއާގެ ގޯލުގެ އަރިމަތީ ދަނޑިއަށް ވަނީ އަމާޒުވެފައެވެ.

މެޗުގެ ފުރަތަމަ ހާފު ނިމުނީ އެއްވެސް ޓީމަކަށް ލަނޑެއް ނުޖެހި އެއްވަރުވެ އޮވެއެވެ.

މެޗުގައި ފެނިގެން ދިޔަ ހަމަ އެކަނި ލަނޑު މެޗުގެ 57 ވަނަ މިނެޓުގައި އިންގްލެންޑުން ކާމިޔާބުކުރިއިރު، މި ލަނޑު އެޓީމަށް ޖަހައިދިނީ ޕިލިޕްސްގެ އެހީތެރިކަމާއި އެކު ރަހީމް ސްޓާލިންއެވެ. މި ލަނޑަށް ފަހު ކަރޮއޭޝިއާއިން ނަތީޖާ ބަދަލު ކުރުމަށް ގިނަ މަސައްކަތް ތަކެއް ކުރިނަމަވެސް ނަތީޖާ ބަދަލުކުރެވޭގޮތް ވަނީ ނުވެފައެވެ.

Like
Like Love Haha Wow Sad Angry
%d bloggers like this: