ޚަބަރު ފީތާ

ދިލިޕް ކުމާރު އަދިވެސް އޮތީ އައިސީޔޫގެ ވޯޑެއްގަ: ޝާއިރާ ބާނޫ

ބޮލީވުޑް ލެޖެންޑަރީ އެކްޓަރ ދިލިޕް ކުމާރު އަދިވެސް އޮތީ އައިސީޔޫގޭ ވޯޑެއްގައި ކަމަށް އޭނާގެ އަންހެނުން ޝާއިރާ ބާނޫ އާ ހަވާލާދީ ރިޕޯޓުތައް ބުނެފި އެވެ.

ޝާއިރާ ބާނޫ އާ ހަވާލާދީ ރިޕޯޓުތައް ބުނެފައިވާ ގޮތުގައި ދިލިޕް ގެ ހާލު އަންނަނީ ރަނގަޅުވަމުން ނެވެ. ނަމަވެސް އަދިވެސް އޮތީ އޮކްސިޖަން ގުޅާފައި ކަމަށެވެ.

ޢުމުރުން98 އަހަރުގެ ދިލިޕް ކުމާރަށް ނޭވާލާން އުނދަގޫވެ ސިއްޙީ ހާލަތު ގޯސްވުމުގެ ސަބަބުން ހޮސްޕިޓަލުގައި އެޑްމިޓް ކުރީ މި މަހުގެ6 ވަނަ ދުވަހު އެެވެ. އޭނާ އެޑްމިޓްކޮށްފައިވަނީ މުންބާއީގެ ޕީޑީ ހިންދޫޖާ ހޮސްޕިޓަލްގަ އެވެ.

ބައިލޭޓަރަލް ޕްލިއުރަލް އެފިއުޗަން ގެ މައްސަލަ ކުރިމަތިވެގެން ފަރުވާދެމުން އަންނަ ދިލިޕް ކުމާރަކީ 60 އަށްވުރެން ގިނަ އަހަރު ވަންދެން ބޮލީވުޑްގައި ’ޓްރެޖެޑީ ކިންގް’ގެ ގޮތުގައި މަޝްހުރުވެފައިވާ އެކްޓަރެކެވެ.

އޭނާ ކުޅެފައިވާ ފިލްމުތަކުގެ ތެރެއިން މުޣަލް-އޭ-އާޒަމް، ގަންގާ ޖަމުނާ، ކްރާންތީ އަދި ކަރްމާ އަކީ މިހާރުވެސް ގިނަބައެއްގެ މެދުގައި މަގުބޫލު ފިލްމު ތަކެވެ.

ދިލިޕް ކުމާރު އެންމެ ފަހުން ސްކްރީނުން ފެނިފައިވަނީ 1998 ވަނަ އަހަރު ރިލީޒްކުރި ފިލްމު ”ގިލާ“ އިންނެވެ. ދިލިޕް ކުމާރަށް 1994 ވަނަ އަހަރު ދާދާސާހަބް ޕަލްކޭ އެވޯޑް ލިބިފައިވާ އިރު، 2015 ވަނަ އަހަރު ޕަދްމާ ވިބޫޝަން އެވޯޑް ވެސް ވަނީ ލިބިފަ އެވެ.

ދިލިޕް ކުމާރުގެ ހަޔާތުގެ ބައިވެރިއަކީ މަޝްހޫރު އެކްޓްރެސް ޝާއިރާ ބާނޫ އެވެ.

Like
Like Love Haha Wow Sad Angry
21

2 ޚިޔާލުތައް ގައި "ދިލިޕް ކުމާރު އަދިވެސް އޮތީ އައިސީޔޫގެ ވޯޑެއްގަ: ޝާއިރާ ބާނޫ"

  1. ގަސްމާ | ޖޫން 9, 2021 at 13:16 |

    who cares?

  2. އަތޮޅޭ | ޖޫން 9, 2021 at 17:40 |

    ޔޫ ރިއަލީ ކެއަރ ދޯ، ދެޓްސް ވައި ޔޫ ކޮންސަރންޑް އިޓް…..

Comments are closed.

%d bloggers like this: