އަޝްފާޤު ކޮވިޑް-19 އިން ރަނގަޅުވެ މާދަމާ ގައުމީޓީމާއި ގުޅޭނެ
ރާއްޖޭގެ ގައުމީޓީމުގައި ހިމެނޭ އެންމެ އިތުބާރު ފޯވާޑް އަލީ އަޝްފާޤު ކޮވިޑް-19 އިން ރަނގަޅުވެ މާދަމާ ގައުމީޓީމާއި އަލުން ގުޅޭނެއެވެ.
މިކަން ހާމަކުރަމުން އަޝްފާޤު ކުރި ފޭސްބުކް ޕޯސްޓެއްގައި ބުނެފައިވަނީ އޭނާ ކޮވިޑް ބަލިން މިހާރު ރަނގަޅު ވެއްޖެ ކަމަށާއި އެގޮތުން މާދަމާ ގައުމީޓީމާއި އަލުން ގުޅޭނެ ކަމަށެވެ.
“އަލްހަމްދުލިއްލާޙް. ކޮވިޑް-19 އަށް ހެދި ޓެސްޓުން މިއަދު ނެގެޓިވް. އިންޝާﷲ މާދަން ގައުމީޓީމާއި ގުޅޭނަން” އަޝްފާޤުގެ ފޭސްބުކް ޕޯސްޓުގައި ބުނެފައިވެއެވެ.
އަޝްފާޤު ކޮވިޑް-19 އަށް ފައްސިވެފައިވަނީ މިދިޔަ މެއި މަހުގެ 30 ވަނަ ދުވަގައެވެ. އެގޮތުން އަޝްފާޤަށް ވަނީ ޑުބާއީގައި ކަރަންޓީނުވާން ޖެހިފައެވެ. އަޝްފާޤުގެ އިތުރުން ތޮއްޕޭވެސް ވަނީ ކޮވިޑް-19 އަށް ފައްސިވެ ޑުބާއީގައި ކަރަންޓީނު ވާން ޖެހިފައެވެ.
ކޮވިޑް އަށް ފައްސިވެ ޑުބާއީގައި ކަރަންޓީނު ވާން ޖެހުމުގެ ސަބަބުން ކޮލިފައިންގައި ސީރިއާއާއި ދެކޮޅަށް މިރޭ ކުޅޭ މެޗުގައި އަޝްފާޤުއަށް ނުކުޅެވުނު ނަމަވެސް ދެން ރާއްޖެ ކޮލިފައިންގައި ކުޅެން ޖެހޭ ހުރިހާ މެޗެއްގައިވެސް އަޝްގާޤަށް ބައިވެރިވެވޭނެއެވެ.
މިލިޔުން ކިޔާލުމުން
