ހަރުކަށި ފިކުރުގެ ބޮޑެއް ކަމަށް ބުނެ ހައްޔަރު ކުރި އަބްދުﷲގެ ބަންދަށް 15 ދުވަސް ޖަހައިފި
ހަރުކަށި ފިކުރު ފެތުރުމުގައި އިސްކޮށް ހަރަކާތްތެރިވާ ކަމަށް ތުހުމަތުކޮށް ފުލުހުން ހައްޔަރު ކުރި ހއ. މޮޅަދޫ ބަހާރުގެ، އަބްދުﷲ އަލީ މަނިކުގެ ބަންދަށް ކްރިމިނަލް ކޯޓުން 15 ދުވަސް ޖަހައިފި އެވެ.
ހަރުކަށި ފިކުރު ފެތުރުމުގަައި އިސްކޮށް ހަރަކާތްތެރިވާ މީހެއް ކަމަށް ހުތުމަތުކޮށް ފުލުހުން ރޭ ހައްޔަރު ކުރި މި މީހާގެ ބަންދަށް 15 ދުވަސް ޖެހިއިރު، އޭނާގެ މުއްދަތު ޖެހުމަށް ބޭއްވި އަޑުއެހުން ކުރިއަށް ގެންގޮސްފައިވަނީ ސިއްރު މަޖިލީހެއްގެ ގޮތުގަ އެވެ.
މިގޮތަށް މި މަޖިލިސް ސިއްރުކޮށްފައިވަނީ ފުލުހުންގެ އެދުމުގެ މަތިންނެވެ. މި ސިއްރު އަޑުއެހުމަށް ފަހު ކްރިމިނަލް ކޯޓުން ވަނީ މި މީހާގެ ބަންދަށް އިތުރު 15 ދުވަސް އިތުރު ކޮށްދީފައިކަމަށް ވަނީ މައުލޫމާތު ލިބިފައެވެ.
އުމުރުން 49 އަހަރުގެ އަބްދުﷲ އަލީއަކީ ބަންދުގައި ބެހެއްޓުމަށްފަހު ވަރަށް ފަހުން ގެއަށް ދޫކޮށްލި މީހެއް ކަމަށް ވެސް ވަނީ މައުލޫމާތު ލިބިފައެވެ.
ރައީސް ނަޝީދުގެ ގެކޮޅު ކައިރީ ސައިކަލެއްގައި އައިއީޑީއެއް ހަރުކޮށްގެން ބޮމެއް ގޮއްވާލި މައްސަލާގައި ފުލުހުންނާއި ސިފައިން ގުޅިގެން އަންނަނީ ސަލާމަތީ ފިޔަވަޅުތައް ވަރުގަދަކޮށް އޮޕަރޭޝަންތައް ހިންގަމުންނެވެ.
ނަޝީދަށް ހަމަލާދީފައިވަނީ އެމަނިކުފާނު އެމަނިކުފާނު ކާރަށް އަރާވަޑައިގަންނަވަނިކޮށެވެ.
މިލިޔުން ކިޔާލުމުން
