ޚަބަރު ފީތާ

އައްޑު ސިޓީން ހައްޔަރުކުރި ހަރުކަށި ފިކުރުގެ މީހުންގެ ބަންދަށް މުއްދަތު ޖަހައިފި

އައްޑޫސިޓީ ހިތަދޫ: ފައިލް ފޮޓޯ

އައްޑު ސިޓީން ހައްޔަރުކުރި ހަރުކަށި ފިކުރުގެ މީހުންގެ ބަންދަށް މުއްދަތު ޖަހައިފި އެވެ.

ފުލުހުން ބުނީ އައްޑޫ ސިޓީގައި ފުލުހުންނާއި ސިފައިން ގުޅިގެން ހިންގި އޮޕަރޭޝަންގައި ހައްޔަރުކުރި ހަތް މީހުންގެ ތެރެއިން ތިން މީހެއްގެ ބަންދަށް 15 ދުވަސް އަދި ހަތަރު މީހެއްގެ ބަންދަށް ހަތް ދުވަސް ކޯޓުން ދީފައިވާ ކަމަށެވެ.

ޓެރަރިޒަމާ ދެކޮޅަށް ހިންގި އޮޕަރޭޝަނެއްގައި އައްޑޫ ސިޓީން ހަތް މީހަކު ހައްޔަރު ކޮށްފައިވާ އިރު، އެ މީހުން ހައްޔަރުކުރި ވަކި ސަބަބެއް ފުލުހުން ހާމަކޮށްފައެއް ނުވެއެވެ.

އައްޑޫގައި ސަލާމަތީ ބާރުތަކުން މި އޮޕަރޭޝަނެއް ހިންގާފައި މިވަނީ މި މެއި މަހުގެ ހަވަނަ ދުވަހުގެރޭ ރައީސް މުހައްމަދު ނަޝީދަށް އަމާޒުކޮށް ދިން ހަމަލާއަށްފަހު އެވެ. އަދި އެ ހަމަލާއަށް ފަހު، ރާއްޖޭގެ ސެކިއުރިޓީ ވަރުގަދަކޮށް، މާލެ އާއި އަތޮޅު ތެރޭގައި ހަތިޔާރާއިއެކު ސިފައިން ހަރަކާތްތެރިވަމުންދާކަމަށް އެމްއެންޑީއެފް އިން ވަނީ ބުނެފަ އެވެ.

Like
Like Love Haha Wow Sad Angry

މިލިޔުމަށް ޚިޔާލު ފޮނުވާ "އައްޑު ސިޓީން ހައްޔަރުކުރި ހަރުކަށި ފިކުރުގެ މީހުންގެ ބަންދަށް މުއްދަތު ޖަހައިފި"

ޚިޔާލު ފާޅުކުރައްވާ

އީމެއިލް އެޑްރެސް ހާމަ ނުކުރާނެ.