އެމްޑީޕީގެ އެތެރޭގެ އިންތިޚާބު ބާއްވާ ތާރީޚު ފަސްކޮށްފި
އެމްޑީޕީގެ އެތެރޭގެ އިންތިޚާބު ބާއްވާ ތާރީޚު ފަސްކޮށްފި އެވެ.
އެ ޕާޓީން ބުނީ މިގޮތަށް ނިންމީ ޕާޓީގެ ރައީސް، މުހައްމަދު ނަޝީދަށް އަމާޒުކޮށް މި މަހުގެ 6 ވަނަ ދުވަހުގެ ރޭ ދިން ބޮމުގެ ހަމަލާގެ ސަބަބުން ލިބުނު އަނިޔާތަކަށް އެމަނިކުފާނަށް ފަރުވާދެމުން ގެންދާތީ ކަމަށެވެ. އަދި މިވަގުތުގައި އިންތިޚާބު ބޭއްވުމުގެ މަސައްކަތައިގެން ކުރިއަށް ގޮސް އެ އިންތިޚާބު ބޭއްވުމަކީ ރަނގަޅު ކަމެއް ކަމުގައި ނުފެންނާތީ ކަމަށެވެ.
އެމްޑީޕީން ބުނީ ދާއިރާތަކުގެ އިންތިޚާބު ބާއްވާނެ ތާރީޚެއް ކުރިއަށް އޮތް 10 ދުވަހުގެ ތެރޭގައި ކަނޑައެޅުމަށްފަހު އިޢުލާނު ކުރާނެ ކަމަށެވެ.
އިންތިޚާބު ފަސްކުރި ނަމަވެސް، އިންތިޚާބާ ގުޅޭގޮތުން ޕާޓީން މިވުގަތަށް ކުރަންޖެހޭ އިދާރީ މަސައްކަތް ކުރަމުން ގެންދާނެ ކަމަށް އެމްޑީޕީން ބުންޏެވެ.
މި އިންތިޚާބު ބާއްވަން ކުރިން ތާވަލުކޮށްފައި އޮތީ މި މަހު 29 ގައެވެ.
މިލިޔުން ކިޔާލުމުން
