އައްޑޫގައި ކުރިޔަށް ގެންދިޔަ ޓެރަރިޒަމާ ދެކޮޅު އޮޕަރޭޝަނެއްގައި ހަތް މީހަކު ހައްޔަރުކޮށްފި

ޓެރަރިޒަމާ ދެކޮޅަށް އައްޑޫގައި ކުރިޔަށް ގެންދާ އޮޕަރޭޝަނެއްގައި މިއަދު ހަތް މީހަކު ހައްޔަރުކޮށްފި އެވެ.

މައުލޫމާތު ލިބިފައިވާ ގޮތުގައި ޓެރަރިޒަމާ ދެކޮޅު ބޮޑު އޮޕަރޭޝަނެއް އައްޑޫގައި ކުރިޔަށް ގެންދާއިރު، މި އޮޕަރޭޝަން ކުރިއަށް ގެންދަނީ ފުލުހުންނާއި ސިފައިން ގުޅިގެންނެވެ.

އިޝްތިހާރު

އަދި މި އޮޕަރޭޝަންއާއި ގުޅިގެން މިހާތަނަށް ހަތް މީހަކު މިހާތަނަށް ހައްޔަރުކޮށްފައިވާއިރު، މި ހަތް މީހުންނަކީ ވެސް ދިވެހިންކަމަށް ވެސް މައުލޫމާތު ލިބެއެވެ. އަދި މި ހަތް މީހުންނަކީ ވެސް ހަރުކަށި ފިކުރު ފަތުރަން އުޅޭކަމުގެ ތުހުމަތުގައި އައްޑޫސިޓީން ބަޔަކު ހައްޔަރު ކޮށްފައިބައެއް ކަމަށް ވެސް މައުލޫމާތު ލިބެއެވެ.

ކުރީގެ ރައީސް އަދި މިހާރު ރައްޔިތުންގެ މަޖިލީހުގެ ރައީސް މުޙައްމަދު ނަޝީދުއަށް މި މަހުގެ ހަވަނަ ދުވަހުގެ ރޭ ދިން ބޮމުގެ ހަމަލާއާއި ގުޅިގެން، ރާއްޖޭގެ ސެކިއުރިޓީ ލެވެލް ވަނީ ވަރުގަދަކޮށްފައެވެ. އެގޮތުން ސިފައިން ދަނީ ހަތިޔާރާއެކު މަގުތައް މަތީގައި ހަރަކާތްތެރި ވަމުންނެވެ.