ކޮވިޑުގެ ޢަދަދުތައް އަދިވެސް މައްޗަށް، މިއަދުވެސް 1400 އަށް ވުރެ އިތުރު
ފާއިތުވި 24 ގަޑި އިރުގެ ތެރޭގައި ރާއްޖެއިން ކޮވިޑަށް ޕޮޒިޓިވް ވި މީހުންގެ ޢަދަދު 1400 އަށް ވުރެ އިތުރު ވެއްޖެ އެވެ.
އެޗްޕީއޭ އިން ބުނީ 1،467 މީހުން ޕޮޒިޓިވް ވެފައިވާ ކަމަށެވެ. އޭގެ ތެރޭގައި މާލޭ ސަރަޙައްދުން 1،267 މީހުންނާއި އަތޮޅުތަކުގެ ރަށްރަށުން 182 މީހުން ވަނީ ޕޮޒިޓިވްވެފަ އެވެ. އަދި ރިސޯޓުތަކުން 18 މީހަކު ވެސް ވަނީ މި ޢަދަދުގެ ތެރޭގައި ހިމެނިފަ އެވެ.
މިއާއެކު ރާއްޖެއިން ކޮވިޑް-19އަށް ޕޮޒިޓިވްވި މީހުންގެ ޢަދަދު މިވަނީ 42،775 އަށް އަރާފަ އެވެ.
މި ޢަދަދުތައް މިހާރުމަތިވަމުން އަންނަނީ ކުރީ ދުވަސްތަކުގެ ނަތީޖާ ނުލިބޭ ސާމްޕަލްތަކުގެ ނަތީޖާ މިއަދުގެ ނަތީޖާގައި ހިމެނުމުންކަމަށް އެޗްއީއޯސީން އަންނަނީ ބުނަމުން ނެވެ.
ރާއްޖެއިން ކޮވިޑް-19އަށް ޕޮޒިޓިވްވި މީހުންގެ ތެރެއިން 244 މީހުން ފާއިތުވި 24 ގަޑި އިރުގެ ތެރޭގައި ރަނގަޅުވެފައިވާ އިރު، 27،672 މީހުން މިބަލިން ރަނގަޅުވެފައިވާ ކަމަށް އެޗްޕީއޭ އިން ބުނެ އެވެ.
މި ބައްޔަށް 15،003 މީހުން ފަރުވާ ހޯދަމުންދާއިރު 290 މީހަކަށް ހޮސްޕިޓަލުގައި އެޑްމިޓްކޮށްގެން އަންނަނީ ފަރުވާ ދެމުންނެވެ.
ފާއިތުވި 24 ގަޑިއިރުގެ ތެރޭގައި ކޯވިޑް-19އަށް ޓެސްޓްކުރުމަށްޓަކައި 5،037 ސާމްޕަލެއް ވަނީ ނަގާފައެވެ. ރާއްޖެއިން މިބަލީގައި ވަނީ 91 މީހުން ނިޔާވެފަ އެވެ.
މިލިޔުން ކިޔާލުމުން
