އިޒުރޭލުގެ ހަމަލާތަކުގައި ފަލަސްތީނުގެ 100 އަށްވުރެ ގިނަ މީހުން ޝަހީދުކޮށްލައިފި
އިޒުރޭލުން ފަލަސްތީނަށް ދެމުންގެންދާ ހަމަލާތަކުގައި ފަލަސްތީނުގެ 100 އަށްވުރެ ގިނަ މީހުން ޝަހީދުކޮށްލައިފި އެވެ.
ރިޕޯޓުތައް ބުނާގޮތުން މިހައިތަނަށް 119 އަށް ވުރެ މީހުން ޝަހީދުވެ، 530 މީހުން ވަނީ ޒަޚަމުވެފަ އެވެ. އަދި ޝަހީދުވި މީހުންގެ ތެރޭގައި18 ކުޑަކުދިން ވެސް ހިމެނޭ ކަަމަށް ރިޕޯޓުތައް ބުނެއެެވެ. ޣައްޒާ ސިޓީއަށް އިޒްރޭލުންް ބޮން އަޅާ، ޙަމަލާ ދޭން ފެށީ އެ ސިޓީ ކޮންޓްރޯލްކުރާ ހަމާސް ޖަމާއަތުން އިޒްރޭލަށް އަމާޒުކޮށް ރޮކެޓް ހަަމަލާތަކެއް ފޮނުވައިލުުމުންނެވެ.
އިސްރާއީލުން ދެމުން އަންނަ ހަމަލާއާ ގުޅިގެން އިސްރާއީލުގެ އަސްކަރިއްޔާއިން ބުނެފައިވަނީ މިހާރު ޣައްޒާއަށް ދެމުންގެންދާ ހަމަލާތަކަކީ ހަމާސް ޖަމާއަތް ”މައިތިރި ކުރުމަށް“ ދެމުންގެންދާ ހަމަލާތަކެއް ކަމަށާއި އެ މަގުސަދު ހާސިލް ވަންދެން ހަމަލާތައް ދޭނެ ކަމަށެވެ.
ބައިނަލްއަގުވާމީ ހުރިހާ ގާނޫނަކާ ޚިލާފަށް ގުދުސުން ފަލަސްތީނު މީހުން ހުސްކުރަން އިޒްރޭލުން ކުރާ އެ މަސައްކަތާ ގުޅިގެން އދ.ގެ ސަލާމަތީ މަޖިލީހުން ބައްދަލުވުމެއް ބޭއްވި ނަމަވެސް މިހާތަނަށް އެއްވެސް އެއްޗެއް ނުބުނެ އެވެ.
މިލިޔުން ކިޔާލުމުން
