ފާއިތުވި 24 ގަޑި އިރު، 1216 މީހުން ކޮވިޑަށް ޕޮޒިޓިވް ވެއްޖެ
ފާއިތުވި 24 ގަޑި އިރު، 1216 މީހުން ރާއްޖެއިން ކޮވިޑަށް ޕޮޒިޓިވް ވެއްޖެ އެވެ.
އެޗްޕީއޭ އިން ހާމަކުރި ތަފާސް ހިސާބުން ދައްކާ ގޮތުގައި މާލޭ ސަރަޙައްދުން 1،013 މީހުން ވަނީ ޕޮޒިޓިވްވި އިރު، އަތޮޅުތަކުގެ ރަށްރަށުން ވަނީ 201 މީހުން ޕޮޒިޓިވްވެފަ އެވެ. އަދި ރިސޯޓުތަކުން މީހަކާއި، ސަފާރީތަކުން މީހަކު ވެސް ވަނީ ޕޮޒިޓިވް ވެފަ އެވެ.
އެހެންކަމުން މިހައިތަނަށް 41،308 މީހުން ވަނީ ރާއްޖެއިން ކޮވިޑަށް ޕޮޒިޓިވް ވެފައެވެ.
ރާއްޖެއިން ކޯވިޑް-19އަށް ޕޮޒިޓިވްވި މީހުންގެ ތެރެއިން ފާއިތުވި 24 ގަޑި އިރުގެ ތެރޭގައި ރަނގަޅުވި 305 މީހުންނާއެކު، 27،428 މީހުން ވަނީ ރާއްޖެއިން ފަރުވާ ހޯދާ މިބަލިން ރަނގަޅުވެފަ އެވެ.
ރާއްޖޭގައި މިބައްޔަށް ފަރުވާ ހޯދަމުންދާ މީހުންނާއި ހޮސްޕިޓަލްތަކުގައި އެޑްމިޓްކޮށްގެން ފަރުވާ ހޯދާ މީހުންގެ ޢަދަދުތައްވެސް މިހާރު އިތުރުވެފައިވާ އިރު، 13،784 މީހުން އަންނަނީ ފަރުވާ ހޯދަމުން ނެވެ. އަދި 259 މީހަކަށް ހޮސްޕިޓަލުގައި އެޑްމިޓްކޮށްގެން އަންނަނީ ފަރުވާ ދެމުންނެވެ.
ރާއްޖެއިން މިބަލީގައި މިހައިތަނަށް ވަނީ 87 މީހުން ނިޔާވެފަ އެވެ.
މިލިޔުން ކިޔާލުމުން
