މާލެ ސަރަހައްދުގެ ސްކޫލުތައް އިތުރު ހަފުތާއަކަށް ބަންދުކޮށްފި
މާލެ ސަރަހައްދުގެ ސްކޫލުތައް އިތުރު ހަފުތާއަކަށް ބަންދުކޮށްފި އެވެ.
ސްކޫލުތައް ބަންދުކުރީ ކޮވިޑް ހާލަތު މިދުވަސްވަރު ވަރަށް ބޮޑަށް ގޯސްވެފައި ވާތީ، ރައްކާތެރިވުމުގެ ގޮތުން އަޅާ ފިޔަވަޅެއްގެ ގޮތުން ނެވެ.
އެޑިއުކޭޝަން މިނިސްޓްރީން ބުނީ މާލޭ ސަރަހައްދުގައި ހަލުވިކަމާއެކު ކޮވިޑް ފެތުރެމުން އަންނާތީ އެލްކޭޖީއިން ފެށިގެން ގްރޭޑް 12 އާއި ހަމައަށް، އިތުރު އެއްހަފުތާއަށް އޮންލައިންކޮށް ކިޔަވައިދިނުމަށް ނިންމާފައިވާ ކަމަށެވެ.
އެހެންނަމަވެސް މި މުއްދަތުގެ ތެރޭގައި ވެސް އިމްތިހާންތައް ކުރިޔަށްދާނެ ކަމަށް އެޑިއުކޭޝަން މިނިސްޓްރީން ވަނީ ބުނެފަ އެވެ.
މާލެ ސަރަހައްދުގެ ސްކޫލުތައް އިތުރު ހަފުތާއަކަށް ބަންދުކުރި އިރު، ކޮވިޑްގެ ހާލަތާއި ގުޅިގެން މާލޭ ސަރަހައްދުގައި ސަރުކާރު އޮފީސްތައް ވެސް ވަނީ އިތުރު ހަފުތާއަކަށް ބަންދުކޮށްފަ އެވެ.
ރާއްޖޭގައި ކޮވިޑުގެ ކޭސްތައް އިތުރުވަމުން އަންނާތީ ހަވީރު ހަތަރަކުން ފަތިހު ހަތަރަކަށް މާލޭ ސަރަހައްދުގައި މިހާރު ވަނީ ކާފިެު އިޢުލާން ކޮށްފައެވެ. އަދި ކެފޭ ރެސްޓޯރަންޓްތައް ހުޅުވައިގެން ޚިދުމަތް ދިނުމުގެ ބަދަލުގައި ޓެލިވެރީ އާއި ޓޭކަވޭ ޚިދުމަތް ދިނުމަށް ވަނީ އަންގަވާފަ އެވެ.
މިލިޔުން ކިޔާލުމުން
