އެމްޕީއެލް ތެރޭގައި އެއްވެސް ހާދިސާއެއް ނުހިނގާ: ދާނިޝް

އެމްޕީއެލް ތެރޭގައި އެއްވެސް ހާދިސާއެއް ނުހިނގާ ކަމަށް އެ ކުންފުނީގެ ސްޕޯކްސް ޕަރސަން ދާނިޝް ނިޒާމް ވިދާޅުވެއްޖެ އެވެ.

އޭނާ މިހެން ވިދާޅުވީ އެމްޕީއެލް ސަރަހައްދުން މީހަކަށް އަނިޔާވެގެން ގެނެސް، އެމްބިއުލާންސަށް ލާ މަންޒަރު ފެންނަ ވީޑިއޯ އެއް ސޯޝަލް މީޑިއާގައި ޢާންމުވުމާއިގުޅިގެން ނެވެ.

އިޝްތިހާރު

އެވީޑިއޯ އާއެކު ދާނިޝް ކުރައްވާފައިވާ ޓްވީޓުގައި ވިދާޅުވެފައިވަނީ މިކަމާއި ބެހޭ ގޮތުން މައުލޫމާތު ސާފުކޮށްފިން ކަމަށެވެ. އަދި އެމްޕީއެލް ތެރޭގައި އެއްވެސް ހާދިސާއެއް ނުހިނގާ ކަމަށާއި މަސައްކަތުގައި އުޅެނިކޮށް އުނަގަނޑަށް ތަދެއް އަރައިގެން އެ ވާހަކަ ބުނުމުން ފަރުވާއަށް ގެންދަނީ ކަމަށެވެ.

މިކަމާއި ބެހޭ ގޮތުން މައުލޫމާތު ސާފުކޮށްފިން. އެމްޕީއެލް ތެރޭގައި އެއްވެސް ހާދިސާއެއް ނުހިނގާ. މަސައްކަތުގައި އުޅެނިކޮށް އުނަ ގަނޑަށް ތަދެއް އަރައިގެން އެ ވާހަކަ ބުނުމުން ފަރުވާއަށް ގެންދަނީ. https://t.co/MtZU7oCfVC

— Dhaanish (@Dhaanish_Nizam) May 13, 2021

މި ވީޑިއޯ ޢާންމުވެފައިވާ އިރު، އެމްޕީއެލް ސަރަހައްދުގައި މީގެކުރިން ހިނގި ދެ ހާދިސާއެއްގައި އަނިޔާވި، ދެ މީހަކު ވަނީ ނިޔާވެފަ އެވެ.