ދިރާގުން އާކް އެއިޑް ޕްރޮގްރާމަށް މި ފިތުރު ޢީދުގައި ޚާއްސަ އެހީއެއް!
ދިރާގުން، އެޑްވޮކޭޓިން ދަ ރައިޓްސް އޮފް ޗިލްޑްރެން (އާކް) ގެ އެއިޑް ޕްރޮގްރާމަށް މި ފިތުރު ޢީދުގައި ޚާއްސަ އެހީއެއް ވެދީފި އެވެ.
ރާއްޖޭގެ މުވާސަލާތީ މައި ކުންފުނި ދިރާގުން ބުނީ މިއީ އާކް އެއިޑް ޕްރޮގްރާމުން އެހީތެރިކަން ފޯރުކޮށްދޭ ޕްރޮޖެކްޓުގެ ދަށުން ވެދިން އެހީތެރިކަމެއް ކަމަށެވެ. އަދި ކޮވިޑްގެ މިހާލަތުގައި އެންމެ ބޭނުން ޖެހިފައި ތިބި 40 އާއިލާ އެއްގެ 75 ކުއްޖަކަށް ކާބޯތަކެތި ފޯރުކޮށްދީފައިވާ ކަމަށެވެ.
އާކް އެއިޑްގެ ދަށުން މިދިޔަ އަހަރުގެ ރޯދަ މަހުގެ ތެރޭ ކުރިއަށްގެންދިޔަ ޕްރޮގްރާމަށް ވެސް ދިރާގުން ވަނީ އެހީތެރިކަން ފޯރުކޮށްދީފަ އެވެ.
އާކް އެއިޑް ޕްރޮގްރާމުގެ ދަށުން ފޯރުކޮށްދޭ ކާބޯތަކެތީގެ ތެރޭގައި ހަނޑޫ، ފުށް، މުގު، ކިރު އަދި މަސްދަޅާއި ބިސް އަދި ދަޅުގައި ބަންދުކުރި ތަރުކާރީ ހިމެނެ އެވެ.
އާކްގެ ޕާޓްނަރުންނާއި ޑޯނަރުންގެ އެހީތެރިކަމާ އެކު ފާއިތުވި އަހަރެއްގެތެރޭގައި އެ ޖަމްއިއްޔާ އިން ވަނީ ރާއްޖޭގެ އެކި ހިސާބުތަކުގައި ތިބި 1،800 އަށް ވުރެ ގިނަ ކުދިންނަށް އެހީތެރިކަން ފޯރުކޮށްދީފަ އެވެ.
ދިރާގުން ބުނީ ކޮވިޑުގެ މި ބަލިމަޑުކަމުގެ ސަބަބުން މުޖުތަމައުގައި އެހީތެރިކަމަށް ބޭނުންވެފައި ތިބޭ ފަރާތްތަކަށް އެހީތެރިކަން ފޯރުކޮށްދިނުމުގައި އެ ކުންފުނި ދެމިއޮންނާނެ ކަމަށެވެ.
މިލިޔުން ކިޔާލުމުން
