އުނގޫފާރު މަގުހެދުމުގެ 75 އިންސައްތަ މަސައްކަތް ނިމިއްޖެ
ރ. އުނގޫފާރު މަގުހެދުމުގެ 75 އިންސައްތަ މަސައްކަތް ނިމިއްޖެ އެވެ.
މި މަސައްކަތް ކުރާ އެމްޓީސީސީން ބުނީ ސަބްބޭސް (އޭބީސީ) ފަށަލަ އެޅުމުގެ މަސައްކަތުގެ %77 ނިމިފައިވާ ކަމަށެވެ.
މި މަޝްރޫޢުގެ ދަށުން، 16،488 އަކަ މީޓަރުގެ ސަރަޙައްދެއްގައި ތާރުއެޅުމާއި، 16،488 އަކަ މީޓަރުގެ ސަރަޙައްދެއްގައި އޭބީސީ ފަށަލަ އެޅުމަށް ވަނީ ހަމަޖެހިފަ އެވެ.
މީގެ އިތުރުން 16،488 އަކަ މީޓަރުގެ ސަރަޙައްދެއްގައި ސަބްގްރޭޑް މަސައްކަތް ކުރުމާއި، ފެންހިންދާ ނިޒާމެއް ޤާއިމުކުރުމުގެ މަސައްކަތް ހިމެނޭ ކަަމަށް އެމްޓީސީސީން ބުނެއެވެ.
މި މަޝްރޫއުގެ ދަށުން އެރަށުގައި ފެންހިންދާ ނިޒާމެއް ގާއިމް ކުރުމުގެ މަސައްކަތްވެސް ކުރުމަށް ހަމަޖެހިފައި ވާކަމަށް އެމްޓީސީސީން ވަނީ ބުނެފަ އެވެ.
ޕްލޭނިންގ މިނިސްޓްރީން މިމަޝްރޫއު 2019 ވަނަ އަހަރުގެ މެއި މަހު އެމްޓީސީސީ އާ ހަވާލުކޮށްފައި ވަނީ 19.3 މިލިއަން ރުފިޔާ އަށެވެ.
މިލިޔުން ކިޔާލުމުން
