ކޮވިޑަށް ފަރުވާދޭ ވަސީލަތްތައް ގިނަ ކުރުމުގެ މަސައްކަތް ފަށައިފި
ކޮވިޑަށް ފަރުވާދޭ ވަސީލަތްތައް ގިނަ ކުރުމުގެ މަސައްކަތް ފަށައިފި އެވެ.
އެޗްއީއޯސީން މިހާރު ކުރިއަށް ގެންދާ ނޫސްވެރިންގެ ބައްދަލުވުމުގައި ރައީސުލްޖުމްހޫރިއްޔާ އޮފީހުގެ ތަރުޖަމާން މުހައްމަދު މަބްރޫކް އަޒީޒު ވިދާޅުވީ ދަރުމަވަންތަ ހޮސްޕިޓަލުގެ ހުރިހާ އެނދެއް ފުރިފައިވާ ކަމަށެވެ. އަދި އިތުރު އެނދުތައް ތައްްޔާރު ކުރުމަށް މަސައްކަތް ކުރަނުންދާ ކަމަށެވެ.
”ހުޅުމާލޭ ކޯވިޑް ފެސިލީޓީގައި އައިސީޔޫ އިތުރު 12 އެނދެއް އިތުރު ކުރުމަށް މަސައްކަތް ކުރަމުން މިދަނީ. އަދި ހުޅުމާލޭގެ އެހެން އިމާރާތެއްގައިވެސް އައިސީޔޫ އެނދުތަކެއް ތައްޔާރު ކުރުމުގެ މަސައްކަތް ވެސް މިދަނީ ކުރަމުން.“ މަބްރޫކް ވިދާޅުވި އެވެ.
މަބްރޫކް އިތުރަށް ވިދާޅުވީ ވެލިދޫ ވެސް އަލުން އައިސޮލޭޝަން ފެސިލީއެއްގެ ގޮތުގައި ބޭނުން ކުރުމަށް މިހާރު ނިންމާފައިވާ ކަމާށާއި މާދަމަ އެތަން އަލުން އޮޕަރޭޝަނަށް ގެނެވޭނެ ކަމަށެވެ.
ފެސިލިޓީތައް އިތުރުކޮށް، ވަސީލަތްތައް ގިނަ ކުރުމަށް ނިންމާފައިވާ އިރު، ފާއިތުވި ދުވަސްތަކުގައި ރާއްޖެއިން ވަނީ ގިނަ ޢަދަދަކަށް ކޮވިޑަށް ޕޮޒިޓިވް ވެފަ އެވެ. އެގޮތުން މިއަދު ވެސް ވަނީ 734 މީހުން ޕޮޒިޓިވް ވެފަ އެވެ.
މިލިޔުން ކިޔާލުމުން
