ކޮވިޑް-19: ފޮނަދޫ އިން ނެގި ރެންޑަމް ސާންޕަލްއަކުން މީހަކު ފައްސި ވެއްޖެ
ލ.ފޮނަދޫ އިން ނެގި ރެންޑަމް ސާންޕަލްއަކުން މީހަކު ކޮވިޑް-19 އަށް ފައްސި ވެއްޖެއެވެ.
މައުލޫމާތް ލިބިފައިވާ ގޮތުގައި ފޮނަދޫން ފައްސިވެފައިވަނީ އަންހެނެކެވެ.
ފޮނަދޫ ސިއްޙީ މަރުކަޒުން ރެންޑަމް ސާންޕަލް ނެގުމުގެ މަސައްކަތްވަނީ ކުރިޔަށް ގެންގޮސްފައިވާއިރު، އެރަށުން ރޭންޑަމް ސާމްޕަލް ނެގުމުގެ މަސައްކަތް ކުރިޔައް ގެންގޮސްފައިވަނީ މިމަހުގެ 2 ވަނަ ދުވަހުން ފެށިގެން 3 ވަނަ ދުވަހާއި ހަމައަށެވެ.
ފޮނަދޫން ނެގި ރެންޑަމް ސާންޕަލްއިން މީހަކު ކޮވިޑް އަށް ފައްސިވިއިރު، މިއީ އެރަށުން ފައްސިވި 16 ވަނަ މީހާކަން ފާހަގަކޮށްލަން ޖެހެއެވެ.
ފޮނަދޫން ގިނަ މީހުން ފައްސިވެފައިވަނީ އެރަށާއި އެއްފަސްވެފައިވާ މާންދޫ ކްލަސްޓަރ އާއި ގުޅިގެންކަން ފާހަގަކޮށްލަން ޖެހެއެވެ. މީގެ އިތުރުން އިއްޔެ ދޯންޏެއްގައި މަހައްގޮސް އުޅުމަށްފަހު ބަލީގެ އަލާމަތް ހުރެގެން ޓެސްޓް ކުރި ފަރާތްތަކާއި އެފަރާތުގެ ކޮންޓެކްޓެކްޓް ވީމަހުވެސް ވަނީ ފައްސިވެފައެވެ.
މިލިޔުން ކިޔާލުމުން
