ކޮވިޑް-19: އަނެއްކާވެސް ވެކްސިންގެ ދެ ޑޯޒް ފުރިހަމަ ކުރި މީހަކު ފައްސިވެއްޖެ
އަނެއްކާވެސް ވެކްސިންގެ ދެ ޑޯޒް ފުރިހަމަ ކުރި މީހަކު ކޮވިޑް-19 އަށް ފައްސިވެއްޖެއެވެ.
މި މީހާއަކީ ގދ. ތިނަދޫއިން ފައްސިވި, ޑރ. އަބްދުއްސަމަދު މެމޯރިއަލް ހޮސްޕިޓަލްގެ މެއިންޓެނެސް ޑިޕާޓްމަންޓުގައި މަސައްކަތް ކުރާ މުވައްޒަފެކެވެ. މައުލޫމާތު ލިބުނު ގޮތުން އެ މީހާ ފުރިހަމަ ކޮށްފައިވަނީ ކޮވިޝީލްޑް ވެކްސިންގެ ދެ ޑޯޒެވެ.
އިޝްތިހާރު 
އެއީ މިމަހުގެ 1 ވަނަ ދުވަހު ނެގި ރޭންޑަމް ސާމްޕަލް ތަކުގެ ތެރެއިން ސާމްޕަލެކެވެ. އެމީހާ ފައްސިވުމާއެކު އެ ހޮސްޕިޓަލުގެ ހުރިހާ މުވައްޒަފުން ކޮވިޑަށް ޓެސްޓު ކުރުމަށް ވަނީ ނިންމާފައެވެ.
މި މީހާގެ އިތުރުން މިރޭވެސް ޑރ. އަބްދުއްސަމަދު މެމޯރިއަލް ހޮސްޕިޓަލުގައި މަސައްކަތް ކުރާ އިތުރު މުވައްޒަފަކު ވަނީ ފައްސިވެފައެވެ. އެމީހާއަކީ އެ ހޮސްޕިޓަލްގެ އެމްބިއުލާންސް ޑްރައިވަރެކެވެ.
މިލިޔުން ކިޔާލުމުން
