ކޮވިޑް ޖެހުނު މާބަނޑު އަންހެނެއްގެ ހާލު ދެރަވެ، އައިސީޔޫގައި ފަރުވާދެނީ
ކޮވިޑް-19 ބަލި ޖެހުނު މާބަނޑު އަންހެނެއްގެ ހާލު ދެރަވެ، އައިސީޔޫގައި ފަރުވާދޭން ފަށައިފި އެވެ.
އެޗްއީއޯސީ އިން މިރޭ ބޭއްވި ނޫސްވެރިންގެ ބައްދަލްވުމުގައި ވާހަކަ ދައްކަވަމުން ޑރ. މުހައްމަދު އަލީ ވިދާޅުވީ ކޮވިޑް ޖެހުނު މީހުންގެ ތެރެއިން 8 މީހަކަށް އައިސީޔޫގައި މިހާރު ފަރުވާ ދެމުންދާކަމަށާއި އޭގެތެރެއިން ހަ މީހަކަށް ފަރުވާ ދެމުން ދަނީ ވެންޓިލޭޓަރުގައި ކަަމަށެވެ.
އެގޮތުން އައިސީޔޫގައި ފަރުވާ ދެމުންދާ މީހުންގެ ތެރެއިން އެކަކީ މާބަނޑު އަންހެނެއް ކަމަށާއި މިއީ މާބަނޑު މީހަކަށް ކޮވިޑް ޖެހި ހާލު ދެރަވެ އައިސީޔޫގައި ފަރުވާދޭ ފުރަތަމަ ފަހަރުކަމަށެވެ.
ޑޮކްޓަރު ޑރ. މުހައްމަދު އަލީ އިތުރަށް ވިދާޅުވީ މާބަނޑު މީހުންނަކީ މީގެ ކުރީން ކޮވިޑްގެ ހައި ރިސްކު ކެޓަގަރީގައި ހިމެނޭ ބަޔަކަށް ނުވިނަމަވެސް މި ކޭސްއާއި ގުޅިގެން ހާލަތު ބަދަލުވެފައިވާ ކަމަށެވެ.
ކޮވިޑް އާއި ގުޅިގެންމިވަގުތު ހޮސްޕިޓަލްގައި އެޑްމިޓްކޮށް 181 މީހަކަށް ދަނީ ފަރުވާ ދެމުންނެވެ. ކޮވިޑް ބަލީގައި މިހާތަނަށް ރާއްޖެއިން މަރުވީ 74 މީހެކެވެ.
މިލިޔުން ކިޔާލުމުން
