ޕޮލިސް ކޮމިޝަނަރ ޙަމީދު ކޮވިޑަށް ޕޮޒިޓިވް ވެއްޖެ
ކޮމިޝަނަރ އޮފް ޕޮލިސް މުހައްމަދު ހަމީދު ކޮވިޑް-19 އަށް ޕޮޒިޓިވް ވެއްޖެ އެވެ.
މިއަދު ކުރިއަށް ގެންދިޔަ ޕޮލިސް ބޯޑުގެ ފުރަތަމަ ބައްދަލުވުމުގެ ފޮޓޯއެއް ހިއްސާ ކުރައްވާ ކުރެއްވި ޓްވީޓެއްގައި ޙަމީދު ވިދާޅުވީ ކޮވިޑަށް ޕޮޒިޓިވް ވުމުން އޭނާ މިހާރު ހުންނެވީ ގޭގައި އެކަހެރި ވެގެން ކަމަށެވެ.
”ޕޮލިސް ބޯޑުގެ ހުރިހާ މެމްބަރުންނަށް ވެސް މަރުހަބާ. އަޅުގަނޑު ޔަގީން ކޮށްދޭން ބޭނުން ފުލުހުންގެ މުއައްސަސާ ހަރުދަނާކޮށް އިތުރަށް ޒިންމާދާރު ކުރަން މި ބޯޑުން ވަރަށް މުހިންމު ދައުރެއް އަދާ ކުރާނެކަން“ ވަރޗުއަލްކޮށް އެ ބައްދަލުވުމުގައި ބައިވެރިވެވަޑައިގެންނެވުމަށް ފަހު، ހަމީދުގެ ޓުވީޓުގައި ވިދާޅުވެފައި ވެއެވެ.
ހަމީދު ކޮވިޑް 19 އަށް ޕޮޒިޓިވްވީ ކޮންއިރަކު ކަމެއްް، ޙަމީދު ވެސް އަދި ޕޮލިސް މީޑީއާއިން މިހައިތަނަށް ހާމަކޮށްފައެއް ނުވެ އެވެ.
ރާއްޖެއިން މިހާތަނަށް 25,844 މީހުން ކޮވިޑަށް ޕޮޒިޓިވްވެފައިވާއިރު، މި ބަލީގައި 67 މީހުން ވަނީ މަރުވެފަ އެވެ.
މިލިޔުން ކިޔާލުމުން
