ކުރެވިފައިވާ ފާފަތަކުގެ ގިނަކަމުން މާޔޫސްވާކަށް ނުޖެހޭ: ޚުތުބާ

ކުރެވިފައިވާ ފާފަތަކުގެ ގިނަކަމުން އެއްގޮތަކަށް ވެސް މާޔޫސްވާން ނުޖެހޭ ކަމަށް މިއަދުގެ ހުކުރު ޚުތުބާގައި ބުނެފި އެވެ.
”ﷲ ގެ ތަނަވަސް ރަޙުމަތްފުޅު“ މި މަޢުޟޫއަށް ކުރިއަށް ގެންދިޔަ ހުކުރު ޚުތުބާގައި ބުނީ ﷲ ގެ ރަޙުމަތްފުޅު ނުވާނަމަ، މި ދުނިޔެމަތޫގައި އެއްވެސް މީހަކަށް ނޭވާ ވެސް ނުލެވޭނެ ކަމަށެވެ އަދި އެއްވެސް މީހަކަށް ބޯނޭ ފެންފޮދެއް ވެސް ނުލިބޭނޭ ކަމަށާއި ބަލިވެއްޖެނަމަ، އެއްވެސް މީހަކަށް ޝިފާއެއް ވެސް ނުލިބޭނެ ކަމަށެވެ.
“ އަޅުގަނޑުމެންނަށް ކުރެވިފައިވާ ފާފަތަކުގެ ގިނަކަމުން އެއްގޮތަކަށް ވެސް މާޔޫސްވާން ނުޖެހޭ. ކިތަންމެ ގިނަ ފާފަތަކެއް ކުރެވިފައިވީނަމަވެސް އިޚްލާސްތެރިކަމާއެކު ތައުބާވެ، ހެޔޮ ޢަމަލުކުރުމުން އެންމެހައި ފާފަތައް ﷲ ފުއްސަވައިދެއްވާނޭކަން އަންގަވާފައިވޭ. އަދި ހެޔޮ ޢަމަލު ކުރުމަކީ ފާފަތައް ފުހެވިގެންދާ ކަމެއް، ކަމަށް ވެސް ޚުތުބާގައި ވަނީ ބުނެފަ.“
މީގެ އިތުރުން ޚުތުބާގައި ބުނީ މައިމިހާ އޭނާގެ ތުއްތު ދަރިފުޅަށް ރަޙުމްކުރާވަރަށް ވުރެ މާބޮޑަށް ﷲ ތަޢާލާ އެކަލާނގެ އަޅުތަކުންގެ މައްޗަށް އޯގާތެރިވެވޮޑިގަންނަވާ ކަމަށެވެ.
މި ދުނިޔޭގައި ﷲ ގެ ރަޙުމަތްފުޅު ވަނީ އެންމެގައި އަޅުތަކުންގެ މައްޗަށް ޢާންމުވެ، ޝާމިލުވެގެން ކަމަށާއި އުޑުތަކާއި ބިމުގައިވާހާ އެއްޗެއް ﷲ ހެއްދެވީ އެތަކެތިން އިންސާނުން ފައިދާ ލިބިގަތުމަށް ކަމަސް ވެސް ޚުތުބާގައި ބުނެފައި ވެއެވެ.

އިޝްތިހާރު