ދީނީ ޙަރަކާތް ހިންގާ ޖަމްޢިއްޔާތަކާއެކު އިސްލާމިކް މިނިސްޓްރީން ބައްދަލުކުރައްވައިފި
މާލެއާއި އަތޮޅުތެރޭގައި ދީނީ ޙަރަކާތް ހިންގާ ޖަމްޢިއްޔާތަކާއެކު މިނިސްޓްރީ އޮފް އިސްލާމިކް އެފެއާޒުން ބައްދަލުކުރައްވައިފިއެވެ. މި ބައްދަލުވުމުގައި ދީނީ ހޭލުންތެރިކަން އިތުރުކުރުމަށް މިނިސްޓްރީން ކުރިއަށް ގެންދާ ޕްރޮގްރާމްތަކާ ގުޅޭ މަޢުލޫމާތު ޖަމްޢިއްޔާތަކާ ހިއްސާކުރުމާ އަދި ޖަމްޢިއްޔާތަކާ ގުޅިގެން ކުރިއަށް ގެންދެވިދާނެ ކަންތައްތަކާބެހޭ ގޮތުން މަޝްވަރާކުރެވުނެވެ.
މީގެ އިތުރުން މި ބައްދަލުވުމުގައި ބައިވެރިވި ޖަމްޢިއްޔާތަކުން މިފަދަ ޕްރޮގްރާމްތައް ހިންގުމަށް އެބޭފުޅުންނަށް ދިމާވާ ގޮންޖެހުންތައް ހިއްސާކުރައްވާފައިވެއެވެ. ހަމައެހެންމެ ޖަމްޢިއްޔާތަކުން، މިނިސްޓްރީގެ ފަރާތުން އެހީތެރިކަން ބޭނުންވާ ދާއިރާތައް ފާހަގަކުރައްވާފައިވެއެވެ. 20 ފެބުރުވަރީ 2021 ވީ ހޮނިހިރު ދުވަހު ބޭއްވުނު ބައްދަލުވުމުގައި އަތޮޅު ތެރެއިން 21 ޖަމްޢިއްޔާ އަދި މާލެ ޞަރަޙައްދުން 6 ޖަމްޢިއްޔާ އަކުން ބައިވެރިވެފައިވެއެވެ.
މިލިޔުން ކިޔާލުމުން
