މިއަދު އެންމެ ހޫނު ގަދައީ މާލެ ސަރަަހައްދަށް

މިއަދު އެންމެ ހޫނު ގަދައީ މާލެ ސަރަަހައްދަށް ކަމަށް މޫސުމާ ބެހޭ ޤައުމީ އިދާރާ، މޯލްޑިވްސް މީޓިއޮލޮޖިކަލް ސެންޓަރުން ބުނެފިއެވެ.

މެޓް އޮފީހުން ނެރެފައިވާ ފިނިހޫނު މިނާއި، އިހްސާސްކުރެވޭ ފިނި ހޫނުމިނުގެ މިއަދުގެ ތަފާސްހިސާބަށް ބަލާއިރު، މާލެ ސަރަހައްދުގެ އިހްސާސް ކުރެވޭ ފިނިހޫނުމިން ހުރީ 38.2 ޑިގްރީ ސެލްސިއަސްގައެވެ. މާލެ ސަރަހައްދުގެ އިތުރުން އިހްސާސްކުރެވޭ ހޫނުމިން ދެން އެންމެ މައްޗަށް ގޮސްފައިވަނީ، ހދ ހަނިމާދޫ އާއި ލ.ކައްދޫއެވެ.

އިޝްތިހާރު

ހދ.ހަނިމާދޫގެ އިހްސާސްކުރެވޭ ހޫނުމިން 36.9 ޑިގްރީގައި ހުރިއިރު ކައްދޫ ސަރަހައްދުގައި އިހްސާސްކުރެވޭ ހޫނުމިން ހުރީ 35.9 ގައެވެ.

މާޗް އަދި އޭޕްރިލްމަހަކީ ރާއްޖެއަށް އެންމެ ހޫނުގަދަވާ ދެ މަހެވެ. މެޓް އޮފީހުން ވަނީ ކުރިއަށްހުރި ދުވަސްތަކަކީވެސް ހޫނު ގަދަވާނެ ދުަވަސްތަކެއްކަން ފާހަގަކޮށްފައެވެ. އެންމެ ހޫނު ގަދަވާނެ ވަގުތަކީ ހެނދުނު 10 އަކުން ފެށިގެން ހަވީރު 4 ޖެހުމާ ހަމަޔަށެވެ.