އަމާޒަކީ މި މަހުގެ 18 ވަނަ ދުވަހު ޓެކްސީ ލައިންގެ ޚިދުމަތް ފެށުން – ވަޒީރު އަމީން
ސަރުކާރުގެ ޓެކްސީ ލައިނެއްގެ ޚިދުމަތް ކުރިއަށް އޮތް ފިޠުރު ޢީދު ދުވަހު ފަށަން މަސައްކަތް ކުރަމުންދާ ކަމަށް ޓްރާސްޕޯޓް މިނިސްޓަރު މުޙައްމަދު އަމީން ވިދާޅުވެއްޖެ އެވެ.
ރައީސުލްޖުމްހޫރިއްޔާގެ އޮފީހުގައި މިއަދު އޮތް ނޫސްވެރީންގެ ބައްދަލްވުމުގައި ވާހަކަދައްކަވަމުން މިނިސްޓަރު އަމީން ވަނީ ސަރުކާރުގެ ޓެކްސީ ލައިންގެ ޚިދުމަތް ފެށުމަށް މިހާރު ކުރަމުންދާ މަސައްކަތުގެ އެންމެ ފަހުގެ ތަފްޞީލު ޙިއްސާކޮށްފަ އެވެ.
އަމީން ވިދާޅުވި ގޮތުގައި އަމާޒަކީ މި މަހުގެ 18 ވަނަ ދުވަހު ޓެކްސީ ލައިންގެ ޚިދުމަތް ފެށުމެވެ.
ނަމަވެސް އެ ދުވަހު ޚިދުމަތް ފަށާނީ ލިމިޑެޓް ޚިދުމަތްތަކަކާއެކު ކަމަށް ވިދާޅުވި އެވެ.
އޭގެ ފަހުން ޚިދުމަތް އިތުރަށް ފުޅާކޮށް ތަރައްޤީ ކުރާނެ ކަމަށް ވިދާޅުވި އެވެ.
މިނިސްޓަރު ވިދާޅުވި ގޮތުގައި ޓެކްސީ ލައިންގެ ޚިދުމަތް ފެށުމަށް 150 ކާރު ރާއްޖެ ގެނައުމަށް ވަނީ ނިންމާފަ އެވެ.
އެގޮތުން ކާރުތައް ގެންނާނީ ދެ ބުރެއްގެ މަތީން ކަމުގައި ވިދާޅުވި އެވެ.
މިލިޔުން ކިޔާލުމުން
