ޖިންނި ފާވުމުގެ ޙަޤީޤީ ތަޖުރިބާ

ޝޭހު ކިޔާދިނެވެ -”މި ވާހަކަތައް ކިޔައިދިނުމުގެ އެންމެ ބޮޑު ބޭނުމަކީ ﷲ ގެ ވަޢުދުފުޅަކީ ޙައްޤު ތެދުކަން ދެނެގަނެ، އަހަރެމެންގެ އީމާންތެރިކަން އިތުރުކުރުމެވެ.

ޤުރްއާނުގެ ސަބަބުން ޖިންނީންނަށް ކުރާ އަސަރު އަހަރެންގެ އަމިއްލަ ލޮލުން ދުށީމެވެ. އަދި ޤުރްއާނާއި ސުންނަތުގައި ޣައިބުގެ ދުނިޔެއާ ބެހޭގޮތުން އައިސްފައިވާ ޚަބަރުތަކުގެ ތެދުކަން ކަށަވަރުވި އެވެ.

އިޝްތިހާރު

މިއީ މުނިފޫހިފިލުވުމަށް ދައްކާ ވާހަކަތަކެއް ނޫނެވެ. މިއީ ނުރައްކާތެރި ޙަޤީޤަތެކެވެ.

ތޭރަ، ސާދަ އަހަރުގެ ކުދިން ހެރީ ޕޮޓާ ފަދަ ސިޙުރުވެރިކަމާ ގުޅޭ ކަންކަމާ ކުޅެ، އޮއިޖާ ބޯޑު ފަދަ ތަކެތި ބޭނުންކޮށްގެން ޖިންނީންނަށް ދޮރުތައް ހުޅުވައިނުދޭށެވެ.

އެ ތަކެތީގެ ސަބަބުން ޖިންނީންނަށް ދައުވަތު ދެވި، ބޮޑެތި ގެއްލުންތައް ލިބުމަށްފަހު އެހީއަށް އެދި ދުވުމުގެ ބޭނުމެއް ނެތެވެ.“
މަދީނާގައި ދިމާވި ހާދިސާއެއް،
ޝައިޚް ކިޔައިދިނެވެ. އަހަރެން މަދީނާގައި ކިޔަވަން އުޅުނު ދުވަސްވަރު، ރުޤްޔާ ކުރުމުގެ ތަމްރީނު ހޯދީ އެކަމުގެ މާހިރު ޝައިޚެއްގެ އަރިހުންނެވެ. މަދީނާ ޔުނިވަރސިޓީގައި ”އެކްސޯސިޒަމް 101“ ފަދަ މާއްދާއެއް ނޯވެއެވެ. އެހެންކަމުން އަހަރެން އަމިއްލައަށް އެކަން ދަސްކުރީ ޚާއްޞަ ޝައިޚެއްގެ ބެލުމުގެ ދަށުންނެވެ.
އަހަރެންގެ ފުރަތަމަ ތަޖުރިބާއަކީ މަދީނާއަށް އަލަށް ކިޔަވަން އައި، އިސްލާމްވިތާ އެންމެ މަހެއް ނުވަތަ ދެމަސްވީ ކުއްޖަކަށް ދިމާވި ކަމެކެވެ. އެ ކުއްޖާއަށް ދީނީ އެއްވެސް ޢިލްމެއް، ފިޤުހެއް ނުވަތަ ޙަދީޘެއް ނޭނގެ އެވެ.

އެއްދުވަހު އޭނާގެ ރޫމްމޭޓް ޤުރްއާން ކިޔަވަން އިންދާ، އެ ކުއްޖާގެ ކިބައިން ބިރުވެރި އަޑުތަކެއް އިވިގެން ބެލިއިރު، އޭނާ އޮތީ މޮޔަވެފަ އެވެ.
އަހަރެން އެތަނަށް ދިޔައިރު، އެ ކުއްޖާ އޮތީ ބިންމަތީގަ އެވެ. އަހަރެން ޤުރްއާން ކިޔަވަން ފެށުމުން، އެ ކުއްޖާގެ ހަށިގަނޑުގެ ތެރޭގައި އެއްޗެއް ދަތުރުކުރާ ތަން ސާފުކޮށް ފެނުނެވެ. އޭނާގެ ހަމުގެ ދަށުން މަސްތައް ރިޕްލްސް (ރާޅުބާނި) ތަކެއް ފަދައިން ހަރަކާތް ކުރަމުން ދިޔަ އެވެ.

އަހަރެން އޭނާގެ މޭގައި އަތް އެޅުމުން، އެ އެތި ބަނޑާ ދިމާލަށް ދެއެވެ. ބަނޑުގައި އަތް އެޅުމުން އަނެއްކާ މައްޗަށް އަރައެވެ. މިއީ އިންސާނަކަށް އަމިއްލައަށް ހަށިގަނޑަށް ގެނެވޭނެ ހަރަކާތެއް ނޫނެވެ.

އެންމެ އަޖައިބުވި ކަމަކީ، އަހަރެމެން އެންމެން އެކުގައި މެންދުރުގެ ކެއުމަށް އިންދާ ހިނގި ކަމެކެވެ.

އެ ކުއްޖާ އިނީ އެކަނި ކަނެއްގައެވެ. އަހަރެމެން އޭނާއަށް ކާން އައުމަށް ބުނުމުން، އޭނާ ބުނީ ބަނޑުހައި ނޫން ކަމަށެވެ. ސަބަބަކީ އަހަރެމެން އެންމެން ’ބިސްމިﷲ‘ ކިޔައިގެން ކާން ތިބުމުން، އޭނާގެ ތެރޭގައި ހުރި ޖިންނިއަށް އެ ކާނާގައި ބައިވެރިއެއް ނުވެވުނެވެ.

ނަމަވެސް، ކެއުމުގެ ތެރޭގައި މީހެއްގެ އަތުން ބިމަށް ވެއްޓުނު ކާ އެތިކޮޅެއް، އެ ކުއްޖާ ހަރުފައެއް ފަދަ ހަލުވި މިނެއްގައި ވާތުން ނަގައިގެން ކެއެވެ. މިއީ ޞަޙީޙް ބުޚާރީގައިވާ ޙަދީޘެއްގެ ތެދުކަން ފެނިގެންދިޔަ ކަމެކެވެ.

އެ ޙަދީޘްގައިވަނީ ކާ އެތިކޮޅެއް ވެއްޓިއްޖެނަމަ، ސައިތާނާއަށް އެ ދޫކޮށްނުލައި، ސާފުކޮށްލުމަށްފަހު ކެއުމަށެވެ. މި އާ ކޮންވާޓް ކުއްޖާއަށް މި ޙަދީޘެއް ނޭނގޭނެ އެވެ.

އަދި އެ ޖިންނިއާ ވާހަކަ ދައްކަމުން ދިޔައިރު، އަހަރެން ބައެއް ބޮޑެތި ޢިލްމުވެރިންގެ ނަން ބުނެ ބިރުދެއްކީމެވެ. ޝައިޚް ބިން އުޘައިމީންގެ ނަން ބުނުމުން، އެ ޖިންނި ބިރުވެރި އަޑަކުން މަލާމާތްކޮށް ހޭންފެށި އެވެ. އަދި ބުންޏެވެ، ”އޭނާ މަރުވެފައިވަނިކޮށް އަލުން ދިރުވައިގެން ގެންނާނީ ހެއްޔެވެ؟“ އެ ޝައިޚް ނިޔާވިތާ އޭރުވީ އެންމެ މަދު މަސްތަކެކެވެ. އެ ކުއްޖާއަށް މިފަދަ މަޢުލޫމާތެއް ނޭނގޭނެ އެވެ.

މި ހުރިހާ ކަމަކުން އެނގެނީ ޖިންނީންގެ ދުނިޔެއަކީ ހަގީގަތެއް ކަމެވެ.

އެކަމުން ރައްކާތެރިވުމަށް އޮތް އެންމެ ބޮޑު އައްޑަނައަކީ ހެނދުނާއި ހަވީރުގެ ޛިކުރުތަކެވެ.

އަހަރެންގެ އަމިއްލަ ދިރިއުޅުމުގައިވެސް، ނިދުމުގެ ކުރިން އާޔަތުލް ކުރުސީ، އިޚްލާޞް، ފަލަޤް އަދި ނާޞް ސޫރަތް ކިޔަވައި އަތަށް ފުމެ މުޅި ހަށިގަނޑުގައި އަތްފިރުމުމުން، ޖިންނީންގެ ހަމަލާތަކުން ރައްކާތެރިކަން ލިބިފައިވެ އެވެ. އެއްފަހަރަކު ނިދީގައި ހުއްޓާ ކަޅު ސިފައެއް އަހަރެންގެ ގާތަށް އަންނަނިކޮށް، އެ ޛިކުރުތަކުގެ ސަބަބުން އުފެދިފައިވާ ފާރެއްގެ ސަބަބުން އެ އެއްޗަށް ކައިރިނުވެވި ހުއްޓުނު ތަން އަހަރެން ދެކުނީމެވެ.

އެހެންކަމުން، ކޮންމެ ހާލެއްގައިވިޔަސް މި ޛިކުރުތައް ދޫކޮށްނުލާށެވެ.